იურიდიულ ფაკულტეტს, ბათუმის საქალაქო სასამართლოსა და „ევროპის იურისტ სტუნდეტთა ასოციაცია ბათუმში“-ს შორის არსებული თანამშრომლობის ფარგლებში ბათუმის შოთა რუსთაველის სახელმწიფო უნივერსიტეტში შეხვედრა გაიმართა თემაზე: „მოსამართლის არჩევანი, სამართლიანობა თუ კანონიერება?”. იურიდიული ფაკულტეტის სტუდენტები მართლმსაჯულების განხორციელების გზებს, სასამართლოს გადაწყვეტილების მიღების პროცეს, სამართლიანობასა და კანონიერებას შორის არსებული ზღვარს გაეცნენ და საკუთარი მოსაზრებები წარმოადგინეს აქტუალურ საკითხებზე. შეხვედრა დისკუსიით დასრულდა, რომელსაც უძღვებოდნენ ბათუმის საქალაქო სასამართლოს მოსამართლეები: გოჩა ფუტკარაძე, ლევან მიქაბერიძე და პრაქტიკოსი იურისტი დავით ფუტკარაძე.

ბათუმის შოთა რუსთაველის სახელმწიფო უნივერსიტეტში პროფესორ მურმან გორგოშაძის ორგანიზებით ასოცირებულ პროფესორ პაატა ჩაგანავას წიგნის „შეშლილი პროფესორის“ წარდგინება გაიმართა. უმაღლესი საგანმანათლებლო დაწესებულების აკადემიურმა პერსონალმა და ფილოსოფიის სპეციალობის მეორე კურსის სტუდენტებმა მხატვრული ნაწარმოების მნიშვნელობასა და იქ დასმულ პრობლემებზე ისაუბრეს. წიგნში წარმოდგენილი მოთხრობების ძირითადი ნაწილი გიორგი მასალკინმა რუსულ ენაზე თარგმნა. 2015 წლის თებერვალში ავტორის ახალი წიგნის „დიდი გადამრთველის“ პრეზენტაცია შედგება.

ბათუმის შოთა რუსთაველის სახელმწიფო უნივერსიტეტის იურიდიული ფაკულტეტის სტუდენტებმა და პროფესორ-მასწავლებლებმა საქართველოს საკონსტიტუციო სასამართლოს საკონფერენციო დარბაზში დისკუსია გამართეს თემაზე: „ადამიანის უფლებების სფეროში საკონსტიტუციო სასამართლოს პრაქტიკა“. მომავალმა სამართალმცოდნეებმა ადამიანის უფლებათა დაცვის საკითხებზე არსებულ სარჩელებზე ისაუბრეს და სიახლეებს გაეცნენ. დისკუსიას საქართველოს საკონსტიტუციო სასამართლოს თავმჯდომარე გიორგი პაპუაშვილი უძღვებოდა.

პროექტის „სტუდენტები თავისუფლებისთვის“ ფარგლებში, არასამთავრობო ორგანიზაციის „საქართველოს ახალგაზრდა კონსტიტუციონალისტთა ასოციაციის“ წარმომადგენლები თამარ ბაღათურია, ელენე გამეზარდაშილი და საბა სუთიძე ბათუმის შოთა რუსთაველის სახელმწიფო უნივერსიტეტის სტუდენტებს შეხვდნენ. ახალგაზრდებმა შეხვედრაზე სტუდენტური თვითმართველობის სხვადასხვა მოდელი განიხილეს, საკუთარი მოსაზრებები დააფიქსირეს და სოციოლოგიური კვლევაში მიიღეს მონაწილეობა. პროექტი სტუდენტურ თვითმართველობასთან დაკავშირებული პრობლემების აღმოფხვრასა და სტუდენტების უშუალო მონაწილეობით კანონპროექტის მომზადებას ითვალისწინებს, რომელიც რეკომენდაციის სახით სახელისუფლებო ორგანოებს წარედგინება. პროგრამა „ფონდ ღია საზოგადოება-საქართველოს“ მხარდაჭერით 6 საუნივერსიტეტო ქალაქში ხორციელდება.

არასამთავრობო ორგანიზაცია „შეზღუდული შესაძლებლობის მქონე პირების უფლებებისთვის“ ხელმძღვანელმა თამაზ მჟავანაძემ ბათუმის შოთა რუსთაველის სახელმწიფო უნივერსიტეტის სტუდენტებისათვის ლექცია წაიკითხა თემაზე: „შეზღუდული შესაძლებლობის მქონე პირები, საზოგადოება და სახელმწიფო“. მომხსენებელმა განსაკუთრებული საჭიროების მქონე პირთა პრობლემებზე, მათი მოგვარებს გზებზე, ადაპტირებული გარემოსა და ფსიქოლოგიური ცენტრების შექმნის აუცილებლობაზე ისაუბრა. საჯარო ლექცია სამართალმცოდნეობის სპეციალობის პირველი კურსის სტუდენტების ორგანიზებით პროექტის - „დემოკრატია და მოქალაქეობა“ ფარგლებში გაიმართა.