ბათუმის შოთა რუსთაველის სახელმწიფო უნივერსიტეტის ფსიქოლოგიის კლინიკა კორონავირუსის ინფექციით (COVID-19) შექმნილი მდგომარეობის გათვალისწინებით, მუშაობას დისტანციურ რეჟიმში განაგრძობს. კლინიკა 3 აპრილიდან უფასო პირველად დახმარებას გაუწევს მოქალაქეებს კორონავირუსის პანდემიით გამოწვეული ფსიქოლოგიური სირთულეების დაძლევაში. ფსიქოლოგიის კლინიკის მომსახურებით პირველ რიგში ისარგებლებენ კარანტინში მყოფი პირები და მათი ოჯახის წევრები.
ბათუმის III საზაფხულო უნივერსიტეტი გაიხსნა ბათუმის შოთა რუსთაველის სახელმწიფო უნივერსიტეტში თემაზე: „საერთაშორისო უსაფრთხოება და ბირთვული გაუვრცელებლობა: თეორიები, დისკურსიები და მიმდინარე პროცესები“. სწავლება მიზნად ისახავს პროფესორ-მასწავლებლების, სტუდენტების, საჯარო და სამოქალაქო სექტორის წარმომადგნლების კომპეტენციის ამაღლებას საერთაშორისო უსაფრთხოებისა და ბირთვული გაუვრცელებლობის, უსაფრთხოების სექტორის დემოკრატიული ზედამხედველობის განხორციელების მექანიზმების საკითხებში. ბსუ-ს პროფესორ-მასწავლებლები, არასამთავრობო ორგანიზაციის სამოქალაქო საბჭოს და ამერიკის შეერთებული შტატების წარმომადგენლები მოხსენებებს წარმოადგენენ საერთაშორისო უსაფრთხოების აქტუალურ საკითხებზე.
ბულგარეთის რესპუბლიკის საგანგებო და სრულუფლებიანმა ელჩმა საქართველოში დესისლავა ივანოვმა ბათუმის შოთ რუსთაველის სახელმწიფო უნივერსიტეტში საჯარო ლექცია წაიკითხა თემაზე: „ბულგარეთი და ევროკავშირი“. დიპლომატიური კორპუსის წარმომადგენელმა სოციალურ და პოლიტიკურ მეცნიერებათა ფაკულტეტის სტუდენტებს ბულგარეთის რესპუბლიკის ევროკავშირის საბჭოს თავმჯდომარეობის შედეგები გააცნო. ბულგარეთი ევროკავშირს 2007 წელს შეუერთდა, ხოლო 2018 წელს პირველად ევროკავშირის თავმჯდომარე ქვეყანა გახდა. ქალბატონმა დესისლავა ივანოვმა საქართველოსა და ბულგარეთის ურთიერთობებზე ისაუბრა, ყურადღება გაამახვილა უვიზო რეჟიმსა და ევროკავშირში გაწევრიანების პირობებზე. ლექციის დასასრულს მომხსენებელმა შეკითხვებს უპასუხა.
ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტისა და ილიაუნის საქართველოს პოლიტოლოგიის ინსტიტუტის ორგანიზებით სამეცნიერო კონფერენცია გაიმართა თემაზე: „საქართველოს დემოკრატიული რესპუბლიკა (1918 -1921) მეხსიერების პოლიტიკის კონტექსტში“. მომხსენებლებმა ისაუბრეს ისეთ მნიშვნელოვან თემებზე, როგორიცაა: პირველი რესპუბლიკის პოლიტიკური ლექსიკონი - პოლიტიკოსი, როგორც მასწავლებელი; ქართული ემიგრაციის თავისუფლებისათვის ბრძოლის ისტორია; საქართველოს დამოუკიდებლობის დღე მეხსიერების პოლიტიკის კონტექსტში, საქართველო - გერმანიის ფოთის 1918 წლის ხელშეკრულება; ნოე ჟორდანია: საქართველოს სახელმწიფოებრივი დამოუკიდებლობის ხედვა.
9-10 ივნისს აკაკი წერეთლის სახელმწიფო უნივერსიტეტის 85 წლის იუბილისადმი მიძღვნილ IX საერთაშორისო სამეცნიერო-მეთოდური კონფერენციაში „სწავლებისა და აღზრდის აქტუალური პრობლემები” მონაწილეობა მიიღო ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის აკადემიურმა პერსონალმა. პროფესორი გურამ ჩაგანავა, ასოცირებული პროფესორი ქეთევან ბერიძე, ასოცირებული პროფესორი რუსუდან კეჭაყმაძე, ასისტენტ პროფესორი რუსუდან ბერიძე, ასისტენტი შორენა მესხიძე და ასისტენტი ეთერი ვარშანიძე სწავლებისა და აღზრდის აქტუალურ საკითხებს გაეცნენ.
