2016 წლის 6 აპრილს, სოციალურ და პოლიტიკურ მეცნიერებათა ფაკულტეტის სტუდენტები ამერიკელ დიპლომატებს შეხვდნენ. შეხვედრა ბათუმის ამერიკულ კუთხეში შედგა. ამერიკელი დიპლომატები სტუდენტებს ქართულ-ამერიკული დიპლომატიის გამოწვევებსა და იმ აქტუალურ საკითხებზე ესაუბრნენ, როგორებიცაა: სირიის კრიზისი, ტერორიზმი, საქართველოსა და ამერიკის საგარეო ურთიერთობები, არსებული გამოწვევები და ა.შ.
ბათუმის შოთა რუსთაველის სახელმწიფო უნივერსიტეტში ნატოს კვირეული ინტელექტუალური თამაშით - „NATO- OTAN“ -ით გაიხსნა. საგანმანათლებლო-შემეცნებით ინტელექტუალურ თამაშებში ბათუმის 21 სკოლის 100 -ზე მეტი მოსწავლე ჩაერთო. პროექტის მიზანი მოსწავლეების ინფორმირება NATO-ს მიზნებისა და ამოცანების, NATO-საქართველოს ურთიერთობების მიმდინარე პროცესებისა და გლობალური უსაფრთხოების მშენებლობაში საქართველოს როლის შესახებ გახლდათ. „NATO – OTAN“ „ნატოსა და ევროკავშირის საინფორმაციო ცენტრის“ აჭარის ბიუროს ინიციატივით, ბსუ-ს სტუდენტთა სამეცნიერო ცენტრისა და ბსუ -ს საზოგადოებრივ და პოლიტიკურ მეცნიერებათა ფაკულტეტის მხარდაჭერით გაიმართა. პირველი ადგილის მფლობელი "ევრო-2000-ის" გუნდი გახდა, მეორე და მესამე ადგილები სკოლა "ნიკემ" და მე-8 საჯარო სკოლის გუნდებმა გადაინაწილეს. გამარჯვებული გუნდები ფასიანი საჩუქრებით დაჯილდოვდნენ.
2016 წლის 22 მარტიდან 2 აპრილის ჩათვლით, ყაბარდო-ბალყარეთის რესპუბლიკის დედაქალაქ ნალჩიკის სახელმწიფო უნივერსიტეტში, ბერლინის თავისუფალი უნივერსიტეტის უშუალო ხელშეწყობით ჩატარდა სამუშაო სემინარი პროექტის ფარგლებში: „კონფლიქტების ინსტიტუციონალურ - ორიენტირებული კვლევა - კავკასიაში კვლევისა და გამოყენების მეთოდები“ (ICCS).
სოციალურ და პოლიტიკურ მეცნიერებათა ფაკულტეტის დეკანი სტუდენტებს შეხვდა. შეხვედრაზე სტუდენტებისათვის მნიშვნელოვანი და აქტუალური საკითხები განიხილეს, მათ შორის ფინანსური და აკადემიური დავალიანებები, მობილობისა და კურსის გავლის შესახებ და მოახლოებული რეიტინგული გამოცდების. შეხვედრა კითხვა-პასუხების რეჟიმში მიმდინარეობდა. აღნიშნული შეხვედრები სოციალურ და პოლიტიკურ მეცნიერებათა ფაკულტეტის სტუდენტებისათვის ხშირად იმართება. მომდევნო შეხვედრა აპრილის თვეშია დაგეგმილი.
2016 წლის 31 მარტს სოციალურ და პოლიტიკურ მეცნიერებათა ფაკულტეტის სტუდენტებისათვის, სასჯელაღსრულებისა და პრობაციის სამინისტროს პენიტენციური დეპარტამენტის #3 პატიმრობისა და განსაკუთრებული რისკის თავისუფლების აღკვეთის დაწესებულების ფსიქოლოგმა, სუიციდის პრევენციის ადგილობრივმა კოორდინატორმა და მულტი დისციპლინარული გუნდის ფალსილიტატორმა ზურაბ ქარჩავამ წაიკითხა საჯარო ლექცია თემაზე: „სუიციდის პრევენცია პენიტენციურ სისტემაში“.
