ბათუმის შოთა რუსთაველის სახელმწიფო უნივერსიტეტის საზოგადოებრივ და პოლიტიკურ მეცნიერებათა დეპარტამენტის ასოცირებული პროფესორი ირაკლი მანველიძე სამუშაო ვიზიტით იმყოფებოდა ქ. სტოკჰოლმში, შვედეთის „რადიაციული უსაფრთხოების ორგანო“-ში. საქართველოს თავდაცვისა და უსაფრთხოების საბჭოს და სტოკჰოლმის უნივერსიტეტის წარმომდგენლებთან შეხვედრის დროს განხილული იქნა მიმდინარე წლის სექტემბერში ბათუმის სახელმწიფო უნივერსიტეტის ბაზაზე, ბირთვული გაუვრცელებლობისა და უსაფრთხოების საზაფხულო უნივერსიტეტის მოწყობის დეტალები.
2016 წლის 21 მარტს, ასისტენტ პროფესორმა ზაზა ბურკაძემ სოციალურ მეცნიერებათა ფაკულტეტის სტუდენტებისათვის ღია ლექცია ჩაატარა თემაზე: „საფრანგეთი კონსულობის და იმპერიის პერიოდში“.
დაუნის სინდრომის საერთაშორისო დღესთან დაკავშირებით, ბათუმის შოთა რუსთაველის სახელმწიფო უნივერსიტეტში სოციალურ და პოლიტიკურ მეცნიერებათა ფაკულტეტის ფსიქოლოგიის სპეციალობის სტუდენტებმა და პროფესორ-მასწავლებლებმა აქცია გამართეს: „მეგობრები არ ითვლიან ქრომოსომებს“. საინფორმაციო ხასიათის აქცია მიზნად ისახავდა დაუნის სინდრომის მქონე პირთათვის სოლიდარობის გამოცხადებას და საზოგადოებაში ცნობიერების ამაღლებას აღნიშნული საკითხის ირგვლივ. სტუდენტებმა საზოგადოებას საინფორმაციო ფლაერები დაურიგეს.
