2016 წლის 18 მარტს, ბათუმის სახელმწიფო უნივერსიტეტში საერთაშორისო სამეცნიერო კონფერენცია გაიხსნა თემაზე - ‘’გეოპოლიტიკური ტრანსფორმაციები კავკასიაში’’. კონფერენცია სოციალურ მეცნიერებათა 24-ე მსოფლიო კონგრესის ფარგლებში ტარდება.
TEMPUS-ის პროექტ INOTLES ფარგლებში, ბათუმის შოთა რუსთაველის სახელმწიფო უნივერსიტეტის დელეგაცია ბელგიის ქალაქ ბრიუსელში გამართულ საუნივერსიტეტთაშორისო კურსს „ევროკავშირის ინსტიტუტები და მმართველობა„ -ს დაესწრო. სტუდენტებმა მონაწილეობა მიიღეს ვრიჯეს უნივერსიტეტის ევროპისმცოდნეობის ინსტიტუტში გამართულ დასკვნით კოლოკვიუმში. ვიზიტის ფარგლებში შეხვედრები გაიმართა ევროპარლამენტსა და ევროკომისიაში სხვადასხვა ევროპული ინსტიტუტების წარმომადგენლებთან.
ბათუმის შოთა რუსთაველის სახელმწიფო უნივერსიტეტში საქართველოს უსაფრთხოებისა და განვითარების ცენტრის დირექტორმა, საქართველოს ყოფილმა ელჩმა ნატოში ლევან დოლიძემ საჯარო ლექცია წაიკითხა თემაზე: ეროვნული უსაფრთხოება და საქართველოს საგარეო პოლიტიკის პრიორიტეტები. საჯარო ლექციების პროექტი, რომელიც ნიდერლანდების საგარეო საქმეთა სამინისტროს ფინანსური მხარდაჭერით ხორციელდება, მიზნად ისახავს სტუდენტების მაქსიმალურ ჩართვასა და ინფორმირებას ქვეყნის უსაფრთხოებისა და მდგრადი განვითარების პირობების შექმნაში.
„Erasmus +’’ -ის გაცვლითი პროგრამის ფარგლებში სოციალურ და პოლიტიკურ მეცნიერებათა ფაკულტეტის საერთაშორისო ურთიერთობების სპეციალობის მესამე კურსის სტუდენტი მიხეილ ბენია სწავლების მეექვსე სემესტრს გაივლის სჩეცინის უნივერსიტეტში, პოლონეთი.
საერთაშორისო გაცვლითი პროგრამის AIESEC-ის ფარგლებში საერთაშორისო ურთიერთობების მესამე კურსის სტუდენტი ლევან სოლომკო კრაკოვის (პოლონეთი) უნივერსიტეტში იმყოფება. ლევან სოლომკო მობილობის ფარგლებში მონაწილეობას იღებს საგანმანათლებლო და კულტურული ხასიათის ღონისძიებებში. ევროპისმცოდნეობის სპეციალობის მეოთხე კურსის სტუდენტები ნინო სიხარულიძე და შორენა ჩავლეიშვილი კი ერასმუს მუნდუსის EUROEAST Scholarship Project (Erasmus Mundus Action 2)-ის ფარგლებში სწავლების მეშვიდე და მერვე სემესტრს ადამ მიცკევიჩის უნივერსიტეტში (პოლონეთი) გადიან.
