28 იანვრიდან 6 თებერვლის ჩათვლით, თურქეთის რესპუბლიკის ქ. სტამბულში ჩატარებულ „ერასმუს“ + პროგრამა/ტრენინგში სოციალურ და პოლიტიკურ მეცნიერებათა ფაკულტეტის ფსიქოლოგიის სპეციალობის მე-4 კურსის სტუდენტი იმედა ქოჩიაშვილი მონაწილეობდა. ტრენინგი სახელად „სოციალური გადარჩევა“ სოციალურად დაუცველი საზოგადოებისათვის მხარდაჭერისა და მათთვის ადაპტირებული გარემოს შექმნისათვის იყო გამიზნული.
2016 წლის 1 თებერვლიდან 5 თებერვლის ჩათვლით, ბათუმის შოთა რუსთაველის სახელმწიფო უნივერსიტეტის სტუდენტებისათვის ჩატარდა სემინარი პროექტით ICCS (კონფლიქტების ინსტიტუციონალურად ორიენტირებული შესწავლა), რომელიც ერთი კვირის განმავლობაში გრძელდებოდა.
პროფესორ გურამ ჩაგანავამ ბათუმის სამხედრო გარნიზონის ნაწილების წარმომადგენლებს წაუკითხა ლექცია თემაზე: „ქართული კულტურის ფსიქოლოგიური პრობლემები“.
ლექცია მიეძღვნა ქართული კულტურის სინთეზურების პრობლემას, რომლის მიხედვით ქართულ კულტურას ერთდროულად შეთვისებული აქვს დასავლური და აღმოსავლური კულტურების თავისებურებები, რაც განაპირობებს, ერთის მხრივ, პიროვნული ღირსების მაღალ დონეს და, მეორეს მხრივ, ურთიერთპასუხისმგებლობის, ურთიერთთანადგომის და ურთიერთდახმარების ძლიერ ტენდენციებს. ასეთი ნიშანთვისებებით ქართული კულტურა დიდი ხანია, რაც ორიენტირებულია განსხვავებულ კულტურათა ისეთ სიმბიოზზე, რომელიც ამჟამად კულტურათა ურთიერთობების კანონზომიერ და პერსპექტიულ გზად არის მიჩნეული
სამხედრო დანაყოფის ჯარისკაცებისათვის ბათუმის შოთა რუსთაველის სახელმწიფო უნივერსიტეტში საჯარო ლექციების ციკლი დაიწყო. საზოგადოებრივ და პოლიტიკურ მეცნიერებათა დეპარტამენტის პროფესორებმა - ირაკლი გორგილაძემ და ლაშა ბაჟუნაიშვილმა სამხედრო მოსამსახურეებს გლობალურ და რეგიონალურ პოლიტიკაში საერთაშორისო ორგანიზაციების როლსა და სივრცის გეოპოლიტიკური და გეოეკონომიკური ფაქტორებზე ესაუბრეს.
