საქართველოს დამოუკიდებლობის 100 წლისადმი მიძღვნილი ღონისძიებების ფარგლებში სოციალურ და პოლიტიკურ მეცნიერებათა ფაკულტეტზე ჩატარდა ღია ლექცია თემაზე: „პოლიტიკური ვითარება და ბრძოლა დამოუკიდებლობისათვის საქართველოში 1917-1918 წლებში“ - მომხსენებელი: ისტორიის დოქტორი, მოწვეული უფროსი მასწავლებელი არჩილ ვარშალომიძე. ასევე შედგა სადისკუსიო პანელი -„ საქართველოს ევროპული გზა“ - მომხსენებელი: ასისტენტ პროფესორი ლაშა ბაჟუნაიშვილი.

„ფსიქიკური ჯანმრთელობა - რეალობა და გამოწვევები“ - თემაზე ბსუ-ში სემინარი გაიმართა. საქართველოს ფსიქიკური ჯანმრთელობის კოალიციის აღმასრულებელმა დირექტორმა მარინა კურატაშვილმა ფსიქიკური ჯანმრთელობის სახელმწიფო პოლიტიკაზე, ფსიქო–სოციალური სარეაბილიტაციო სერვისების მნიშვნელობასა და არსებულ პრობლემებზე ისაუბრა. სოციალურ და პოლიტიკურ მეცნიერებათა ფაკულტეტის ფსიქოლოგიურ კლინიკაში ფსიქო–სოციალური სარეაბილიტაციო სერვისი ამოქმედდება, სადაც სტუდენტები დახმარებას გაუწევენ ფსიქიკური პრობლემების მქონე ადამიანებს. ღონისძიებას უნივერსიტეტის რექტორი მერაბ ხალვაში, აჭარის ა.რ. ჯანმრთელობისა და სოციალური დაცვის მინისტრი ზაალ მიქელაძე, სტუდენტები და პროფესორ-მასწავლებლები ესწრებოდნენ.

ბათუმის შოთა რუსთაველის სახელმწიფო უნივერსიტეტის საზოგადოებრივ და პოლიტიკურ მეცნიერებათა დეპარტამენტის ასისტენტ პროფესორმა ლაშა ბაჟუნაიშვილმა 2018 წლის 13-23 აპრილს მონაწილეობა მიიღო Erasmus+-ის პროგრამის ფარგლები ზალცბურგის პარის-ლოდრონის უნივერსიტეტში გამართულ საერთაშორისო სამეცნიერო კონფერენციასა და ვორქშოპში სახელწოდებით „პოლი¬ტიკური პოპულიზმი ევროპულ პერიფერიაში“ (Political Populism in the European “Periphery”). მკვლევარმა კონფერენციაზე წარამადგინა მოხსენება თემაზე: „ევროპოპულიზმი და ახალი პოლიტიკური ტენდენციები საქართველოში“. გარდა ამისა, მონაწილეობა მიიღო აკადემიური პირებისათვის გამართულ ტრენინგში - „კურიკულუმის სტანდარტები სოციალურ მეცნიერებებში“.

საქართველოს პარლამენტის წევრმა, ფრაქცია „ქართული ოცნება-მრეწველების“ თავმჯდომემ სიმონ ნოზაძემ საჯარო ლექცია წაიკითხა თემაზე: „დამოუკიდებლობიდან თავისუფლებამდე: საქართველოს ორი დამოუკიდებლობა ერთ საუკუნეში, ქვეყნის პერსპექტივები და გამოწვევები ახალ საუკუნეში“. პარლამენტარმა საუბრისას ისეთ მნიშვნელოვან საკითხები განიხილა, როგორიცაა: საქართველო და საერთაშორისო გარემო, ქვეყნის ისტორიული კავშირი ევროპასთან, ექსტრემიზმი, რადიკალიზმი და ტერორიზმი მსოფლიოში და საფრთხეები საქართველოსთვის.

ბათუმის შოთა რუსთველის სახელმწიფო უნივერსიტეტის სააქტო დარბაზში სოციალურ-პოლიტიკურ მეცნიერებათა ფაკულტეტთან არსებულ ფოტო-ვიდეო სტუდიაში საბაკალავრო და პროფესიული საგანმანათლებლო პროგრამების სტუდენტების მიერ 2016-2018 წლებში გადაღებული მოკლემეტრაჟიანი ფილმების ჩვენება გაიმართა. პრეზენტაციაზე წარმოდგენილი იყო ფილმები: „ელიას ციხე“, ოცნების ქალაქი“, „ხინოს მონასტერი“, „შეჭირვებული ტურისტი“, „აჭარული ხაჭაპური“ და „სიყვარულის კოშკი სვანეთში“. ღონისძიების დასასრულს, ფილმებით წარმოდგენილ თემატიკაზე დისკუსია გაიმართა.