საქართველოს უსაფრთხოების და განვითარების ცენტრის (GCSD) დირექტორის მოადგილემ გიორგი გოგუაძემ ბათუმის შოთა რუსთველის სახელმწიფო უნივერსიტეტის სტუდენტებისათვის სემინარი ჩაატარა თემაზე: „საქართველო-ევროკავშირის ურთიერთობები და სამომავლო პერსპექტივები“. მომხსენებელი ახალგაზრდებს ისეთ აქტუალურ საკითხებზე ესაუბრა, როგორიცაა: საქართველო-ევროკავშირის ურთიერთობები და ისტორია, ასოციაციის შეთანხმება და DCFTA, ევროკაშირის მხარდაჭერის პროგრამები და შესაძლებლობები სტუდენტებისათვის, ვიზალიბერალიზაცია და ევროკაშირის ღირებულებები, საქართველო-ევროკავშირის ურთიერთობების სამომავლო პერსპექტივები და ამოცანები.

ბათუმის შოთა რუსთაველის სახელმწიფო უნივერსიტეტში გაიმართა დოკუმენტური ფილმის ჩვენება „წითელი ჩემოდნის თავგადასავალი“. ღონისძიების დასასრულს იურიდიული ფაკულტეტისა და სოციალურ და პოლიტიკურ მეცნიერებათა ფაკულტეტის სტუდენტებმა მიგრაციის თემაზე გამართულ დისკუსიაში მიიღეს მონაწილეობა და უკანონო შრომითი მიგრაციის საკითხებთან ერთად, ტრეფიკინგის საფრთხეებზე იმსჯელეს. ფილმის ჩვენება გაიმართა მიგრაციის საერთაშორისო ორგანიზაციის - გაეროს სააგენტოს მიერ, მიგრაციის თემაზე გლობალური ფილმების ფესტივალის ფარგლებში.

ქართულ-ამერიკული სკოლის ინიციატივით, ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ფსიქოლოგიის სპეციალობის IV კურსის სტუდენტებმა ტრენინგი ჩაატარეს თემაზე: „არა ძალადობას!“. სწავლება მიზნად ისახავდა მოზარდებში ძალადობის შესახებ ინფორმაციის მიწოდებას. ღონისძიების ფარგლებში დაიგეგმა ანალოგიური ტრენინგების გამართვა სტუდენტებისა და მოსწავლეების მონაწილეობით.

ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის აკადემიური და მოწვეული პედაგოგებისათვის პროფესიული განვითარების პროგრამის ფარგლებში ტრენინგი ჩატარდა თემაზე: „თანამედროვე სწავლების მეთოდოლოგია“. სწავლების მონაწილეები ორი დღის განმავლობაში ისეთ მნიშვნელოვან საკითხებს გაეცნენ, როგორიცაა: განათლების პარადიგმისა და კრიტიკული აზროვნების რაობა; სასწავლო პროცესის კონსტრუირება; ღირებულებისა და ცოდნის განათლების ინსტრუმენტის გამოყენება; შემოქმედებითი ლექციის როლი; რას მოიცავს ზოგადი/ტრანსფერული უნარები; როგორ წავმართოთ და ვმართოთ დისკუსია/დებატები. ტრენინგს უძღვებოდა ილიაუნის უნივერსიტეტის მოწვეული სპეციალისტი, ტრენერი ლოლიტა შენგელაია.

ძალადობისგან ბავშვთა დაცვის საერთაშორისო დღე ბათუმის შთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სტუდენტებმა სხვადასხვა ღონისძიებით აღნიშნეს და ბათუმი “ძალადობისგან ბავშვთა დაცვის” საინფორმაციო კამპანიას შეუერთდნენ. ფსიქოლოგიის საგანმანათლებლო პროგრამის სტუდენტებმა სოციალურ კაფეში „თავისუფალი სივრცე“ ბავშვებისა და მშობლებისათვის შემეცნებითი ღონისძიება გაიმართეს. ახალგაზრდებმა ბავშებისათვის ღიმილის თემაზე ზღაპარი წაიკითხეს. პატარებმა კი თემაზე “რა იწვევს ჩემში ღიმილს” ნახატები შექმნეს.