ბსუ-ს სოციალურ და პოლიტიკურ მეცნიერებათა ფაკულტეტზე საერთაშორისო ურთიერთობებისა და ევროპისმცოდნეობის სტუდენტებისათვის ტრენინგი გაიმართა თემაზე: „კონფლიქტები პოსტსაბჭოთა სივრცეში“. ღონისძიება ასისტენტ პროფესორის ნატალია ლაზბას ხელმძღვანელობით ჩატარდა და მოიცავდა საკითხებს : კონფლიქტების წარმოშობა, არსი და მისი მნიშვნელობა, კონფლიქტის შედეგები, პოსტსაბჭოთა ქვეყნებში მიმდინარე კონფლიქტები და ა.შ. ტრენინგი კითხვა -პასუხის რეჟიმში გაგრძელდა.

ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტისა და კიევის ნაციონალური უნივერსიტეტის ერთობლივი ორგანიზებით, პირველი „სკაიპ- კონფერენცია’’ გაიმართა თანამედროვე კონფლიქტების საკითხებზე. კონფერენციის ორგანიზატორები იყვნენ ასისტენტ პროფესორი ნატალია ლაზბა და პროფესორი სერგეი დანილენკო.

ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტზე ევროპის დღე აღინიშნა. სხვადასხვა კურსის სტუდენტებმა ფლეშმობი - საზღვრის გადაკვეთის იმიტაცია გამართეს. ასისტენტ პროფესორმა ლაშა ბაჟუნაიშვილმა და გელა ირემაძემ საჯარო ლექცია წაიკითხეს თემაზე: ევროპის გაერთიანების იდეა და ევროკავშირის თანამედროვე გამოწვევები“.

ბათუმის შოთა რუსთაველის სახელმწიფო უნივერსიტეტის ფსიქოლოგიური კლინიკის მოხალისე ფსიქოლოგთა ჯგუფმა, ფსიქოლოგიის სხვადასხვა კურსის სტუდენტებმა სოციალურ და პოლიტიკურ მეცნიერებათა ფაკულტეტის დეკანთან ქეთევან ბერიძესთან და სოციალურ მეცნიერებათა დეპარტამენტის ხელმძღვანელთან, პროფესორ გურამ ჩაგანავასთნ ერთად ბათუმის №8, №18 და №20 საჯარო სკოლის მოსწავლეებთან პროფორიენტაციის ტრენინგი გამართეს.

ბათუმის შოთა რუსთაველის სახელმწიფო უნივერსიტეტის ფსიქოლოგიური კლინიკის მოხალისე ფსიქოლოგთა ჯგუფმა, ფსიქოლოგიის მესამე კურსის სტუდენტებმა სოციალურ და პოლიტიკურ მეცნიერებათა ფაკულტეტის დეკანთან ქეთევან ბერიძესთან ერთად ბათუმის №5 საჯარო სკოლის მოსწავლეებთან ტრენინგი გამართეს. შეხვედრის მიზანი მომავალი აბიტურიენტებისთვის პროფორიენტაციის საკითხებზე ინფორმაციის მიწოდება და პროფესიის არჩევისას ოპტიმალური გადაწყვეტილების მიღებაში დახმარების გაწევა იყო.