TEMPUS-ის პროექტ INOTLES  ფარგლებში,  ბათუმის შოთა რუსთაველის სახელმწიფო უნივერსიტეტის დელეგაცია ბელგიის ქალაქ ბრიუსელში გამართულ საუნივერსიტეტთაშორისო კურსს „ევროკავშირის ინსტიტუტები და მმართველობა„ -ს დაესწრო. სტუდენტებმა  მონაწილეობა მიიღეს ვრიჯეს უნივერსიტეტის ევროპისმცოდნეობის ინსტიტუტში გამართულ დასკვნით კოლოკვიუმში.  ვიზიტის ფარგლებში შეხვედრები გაიმართა ევროპარლამენტსა და ევროკომისიაში სხვადასხვა ევროპული  ინსტიტუტების წარმომადგენლებთან.

პროექტი INOTLES – ‘’სწავლისა და სწავლების ინოვაციები ევროპისმცოდნეობის დარგში’’ 6 თვის განმავლობაში მიმდინარეობდა  და   ევროპისმცოდნეობის დისტანციურ სწავლებას მოიცავდა.   პროექტის კოორდინატორი-საგარეო ურთიერთობათა და სტრატეგიული განვითარების სამსახურის უფროსი ნანა ყურშუბაძე; პროექტში მონაწილეობდნენ სოციალურ და პოლიტიკურ მეცნიერებათა ფაკულტეტის ასოცირებული პროფესორი ლაშა ბაჟუნაიშვილი და ამავე ფაკულტეტის  სტუდენტები: მიხეილ ბენია, ანა ნიქაბაძე და ქეთი დევაძე.