2023 წლის 6-10 ნოემბერს ფრანგულ-ქართულ უნივერსიტეტში გაიმართება პირველი საშემოდგომო სკოლა თემაზე: „კავკასია: გადასახლებისა და მიგრაციის ტერიტორია თანამედროვე ომების კონტექსტში“. სკოლის მიზანია შეკრიბოს ჰუმანიტარულ და სოციალურ მეცნიერებათა ფაკულტეტის (სოციოლოგია, პოლიტოლოგია, საერთაშორისო ურთიერთობები, ისტორია, გეოგრაფია, სამართალი და ა.შ.) ფრანგი, ქართველი და საერთაშორისო მკვლევარები და სტუდენტები, რომლებსაც საშუალება ექნებათ იმსჯელონ უკრაინაში შეჭრის შედეგებსა და კავკასიაში არსებულ სხვა მნიშვნელოვან კონფლიქტებზე. განსაკუთრებით მნიშვნელოვანია პოლიტიკური, ეკონომიკური და სოციალური ცვლილებები, რომლებიც გამოიწვია კავკასიაში, განსაკუთრებით თბილისსა და რეგიონის სხვა ქალაქებში, ახალი თემების გამოჩენამ.

20-21ოქტომბერს ბათუმის ბულვარის ორგანიზებით, „ბულვარის დღეების“ ფარგლებში, გაიმართება საერთაშორისო სამეცნიერო კონფერენცია „რეკრეაციული პარკების მართვისა და განვითარების შესაძლებლობები“. კონფერენციის თემატიკა: ისტორია, კულტურული მემკვიდრეობა, ბულვარის კლასიკური და თანამედროვე ხელოვნების ნიმუშები, ეკოლოგია, გამწვანება და ლანდშაფტის დიზაინი, რეკრეაციული ბაღების მართვის თანამედროვე მიდგომები, ტურიზმი და სხვა.

2023 წლის 15 დეკემბერს ევროპის უნივერსიტეტისა და ქუთაისის უნივერსიტეტის ორგანიზებით, იმართება მესამე საერთაშორისო კონფერენცია „განათლება, ტექნოლოგიები და ინოვაცია“ (ICETI 2023). კონფერენციის შესახებ დეტალური ინფორმაციის მისაღებად, გთხოვთ, ეწვიოთ კონფერენციის ვებგვერდს: www.iceti.eu.edu.ge. კონფერენციაზე მომხსენებლად/მსმენელად დასარეგისტრირებლად, გთხოვთ, ეწვიოთ ბმულს: https://www.surveymonkey.com/r/GMW88DQ (კონფერენციაში მონაწილეობა/დასწრება თავისუფალია).

11-13 აგვისტოს ბერლინში, გერმანიაში ტარდება საერთაშორისო სამეცნიერო კონფერენცია: „თანამედროვე სწავლების საფუძვლები და ტენდენციები“, კონფერენციაში მონაწილეობა შესაძლებელია ონლაინ. კონფერენციის თემებია: სოფლის მეურნეობა, ბიოლოგია, მედიცინა, ფარმაცია, ქიმია, მათემატიკა, გეოგრაფია,
არქიტექტურა, ასტრონომია, პედაგოგიური მეცნიერებები, სოციოლოგიური მეცნიერებები, ჟურნალისტიკა, ისტორია , ლიტერატურა, ფილოსოფია, ფილოლოგია.

დაიწყო განაცხადების მიღება უნგრეთში სასტიპენდიო პროგრამის (Stipendium hungaricum) ფარგლებში, რომელსაც განათლების საერთაშორისო ცენტრი უნგრეთის საელჩოს მხარდაჭერით უწევს ადმინისტრირებას.პროგრამა ხორციელდება საქართველოს განათლებისა და მეცნიერების სამინისტროსა და უნგრეთის საგარეო საქმეთა და ვაჭრობის სამინისტროს შორის გაფორმებული ურთიერთგაგების მემორანდუმის საფუძველზე.