2022 წლის 2-3 ივნისს, შვედეთის დედაქალაქ სტოკჰოლმში გაიმართება საერთაშორისო კონფერენცია „სტოკჰოლმი+50: ჯანმრთელი პლანეტა საყოველთაო კეთილდღეობისთვის - ჩვენი პასუხისმგებლობა, ჩვენი შესაძლებლობა“. კონფერენცია ეძღვნება გაერთიანებული ერების ორგანიზაციის პირველი გარემოსდაცვითი კონფერენციის 50 წლის იუბილეს და „ლიდერთა დიალოგის“ ფორმატში განხილული იქნება გარემოს დაცვის აქტუალური თემები.

საქართველოს პოლიტიკის ინსტიტუტი (GIP) „ჰაინრიჰ ბიოლის ფონდის” თბილისის ოფისთან თანამშრომლობით აგრძელებს პროექტს ახალგაზრდა მკვლევრებისათვის სახელწოდებით „სამხრეთ კავკასიაში მიმდინარე გეოპოლიტიკური ცვლილებების ანალიზი“. საგრანტო პროექტის მიზანია ქართველი, სომეხი და აზერბაიჯანელი ახალგაზრდა მკვლევრების ხელშეწყობა, სამხრეთ კავკასიაში არსებული ცვალებადი გეოპოლიტიკური გარემოს შესახებ პოლიტიკის მემორანდუმის ან პოლიტიკის ნარკვევის შემუშავების მიზნით. პროექტის ფარგლებში ორ-ორი ახალგაზრდა მკვლევარი შეირჩევა საქართველოდან, სომხეთიდან და აზერბაიჯანიდან.

გამოცხადდა კონკურსი პოსტ-სადოქტორო მობილობის გრანტის მოსაპოვებლად. პოსტ-სადოქტორო მობილობის პროგრამა საქართველოს ფრანგული ინსტიტუტისა (IFG) და შოთა რუსთაველის საქართველოს ეროვნული სამეცნიერო ფონდის თანადაფინანსებით ხორციელდება. პროგრამის ფარგლებში, ყოველწლიურად, ორ ქართველ მკვლევარს საშუალება აქვს მოიპოვოს დაფინანსება საფრანგეთში ერთთვიანი სამეცნიერო სტაჟირების განსახორციელებლად.

აჭარის ა.რ. განათლების, კულტურისა და სპორტის სამინისტრო „უმაღლესი განათლების ხელშეწყობის“ ქვეპროგრამის ფარგლებშიც აცხადებს კონკურსს. პროგრამა ითვალისწინებს სამეცნიერო ღონისძიებებში მონაწილეობას, უცხოენოვანი სამეცნიერო სახელმძღვანელოს, ლიტერატურის თარგმნა/ბეჭდვას, სეზონური სკოლისა და კონფერენციის ორგანიზება. ქვეპროგრამის ფარგლებში განაცხადების მიღების ვადად განისაზღვრა შემდეგი თარიღები.

შოთა რუსთაველის საქართველოს ეროვნული სამეცნიერო ფონდი აცხადებს კონკურსს შემდეგი საგრანტო პროექტების მოსაპოვებლად: კონკურსი ფუნდამენტური კვლევებისათვის, 2022 წლის საქართველოს საზღვრისპირა რეგიონების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების საგრანტო კონკურსი, 2022 წლის საქართველოს ოკუპირებული ტერიტორიების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების საგრანტო კონკურსი და 2022 წლის მეცნიერების პოპულარიზაციისათვის მიზნობრივი საგრანტო კონკურსი.