2021 წლის 28 ივნისიდან 9 ივლისის ჩათვლით გაერო-ს საინფორმაციო სამსახურის ორგანიზებით, სასწავლო პროგრამა Graduate Study program) - “Post-COVID World: Reset, Resilience, Recovery” განხორციელდება. პროგრამის მიზანია გაერო-სა და მისი სააგენტოების მუშაობის პრინციპების, ამოცანებისა და საქმიანობის შესახებ ცოდნის გაღრმავება სადოქტორო საფეხურის სტუდენტებში საერთაშორისო დონეზე. პროგრამაზე განაცხადების წარდგენის ბოლო ვადაა 2021 წლის 5 მარტი. დამატებითი ინფორმაცია პროგრამაში მონაწილეობის პირობების შესახებ იხილეთ დანართში.

ცხადდება კონკურსი იაპონიის საერთაშორისო თანამშრომლობის სააგენტოს, JICA-ს მიერ დაგეგმილი გრძელვადიანი პროექტის „SDG Global Leader JFY (2021-2023)” ფარგლებში გათვალისწინებულ სამაგისტრო და სადოქტორო პროგრამაზე მისაღებად.
პროგრამის მიზანია მდგრადი განვითარების სფეროში ლიდერებისა და აკადემიური სფეროს წარმომადგნელების მომზადება, რისთვისაც საშუალებას აძლევს დაინტერესებულ პირებს ისწავლონ იაპონიის უნივერსიტეტებში.
დეტალები განაცხადის წარდგენის, შეთავაზებული პროგრამისა და საკონტაქტო პირის
შესახებ მოცემულია დანართის სახით.

გამოცხადდა კონკურსი ეიფელის სტიპენდიის მოსაპოვებლად. განაცხადები მიიღება 2020 წლის 5 ოქტომბრიდან 2021 წლის 8 იანვრის ჩათვლით (მითითებული თარიღი ეხება უნივერსიტეტებს, დაინტერესებული კანდიდატები კი არაუგვიანეს ნოემბრის თვის განმავლობაში უნდა დაუკავშირდნენ სასურველ უმაღლეს დაწესებულებას). ეიფელის სტიპენდია მოიცავს სამაგისტრო (12-დან 36 თვემდე) და სადოქტორო სტიპენდიებს (მობილობა 12 თვის მანძილზე).

მწერალთა სახლი საქართველოს განათლების, მეცნიერების, კულტურისა და სპორტის სამინისტროსთან ერთად, აცხადებს მოთხრობების კონკურსს „ო, კაპიტანო! ჩემო კაპიტანო! იწყება მკვლევართა თავგადასავალი“. მოთხრობების კონკურსის მიზანია ახალგაზრდა ავტორების წახალისება; მათი კვლევის და ექსტრაპოლაციის და წერის უნარების განვითარების ხელშეწყობა; ევროპული და მსოფლიო სამეცნიერო-ტექნოლოგიური გამოგონებების შესახებ ცნობადობის ამაღლება.