გამოცხადდა Horizon Europe-ის MSCA - პერსონალის გაცვლითი პროექტი 2022-ის მონაწილეთა შესარჩევი კონკურსი. პროექტის მიზანია კვლევითი ხარისხის ამაღლება, ცოდნის გაღრმავება და ინოვაციური იდეებისთვის ხელშეწყობა, ასევე საერთაშორისო კავშირების დამყარება. კონკურსში მონაწილეობა შეუძლია როგორც სამეცნიერო პერსონალს, ასევე ორგანიზაციებს. პროექტის ფარგლებში შესაძლებელია კონფერენციებისა და ვორქშოფების ორგანიზება, ასევე მობილობა ევროპულ სამეცნიერო სივრცეებში.
ბათუმის შოთა რუსთაველის სახელმწიფო უნივერსიტეტის სადოქტორო საგანმანათლებლო პროგრამის „ბუნებრივ ნაერთთა ანალიზი“ დოქტორანტებმა: ნონა აბაშიძემ, ჯეირან ფუტკარაძე და ნონა სურმანიძემ შოთა რუსთაველის საქართველოს ეროვნული სამეცნიერო ფონდის „2022 წლის დოქტორანტურის საგანმანათლებლო პროგრამების დაფინანსების კონკურსში“ გაიმარჯვეს. ბსუ ულოცავს დოქტორანტებს გამარჯვებას და უსურვებს წარმატებებს.
ბსუ-ს სამეცნიერო კვლევების სამსახურის უფროსი თამარ მაჭუტაძე პირველკურსელ დოქტორანტებს შეხვდა და სადოქტორო საგანმანათლებლო პროგრამაზე სწავლის ეტაპები, კვლევის პროცესი გააცნო. დოქტორანტებმა მიიღეს ინფორმაცია სამეცნიერო საერთაშორისო ბაზებისა და სადისერტაციო ნაშრომის დაცვის წინაპირობების შესახებ. სამსახურის უფროსმა შეხვედრის მონაწილეებს წარუდგინა სამეცნიერო ბაზები: Scopus, Web of Science, ERIH PLUS, JSTOR. ასევე ისაუბრა საერთაშორისო გამოცდილებაზე და უნივერისიტეტში არსებულ დოქტორანტის მხარდამჭერ ღონისძიებებზე.
აკაკი წერეთლის სახელმწიფო უნივერსიტეტში პროექტის „კვლევის განვითარების პროცესის მონიტორინგისა და მხარდამჭერი მექანიზმების გაძლიერება რეგიონულ უნივერსიტეტებში“ ფარგლებში სამუშაო შეხვედრა გაიმართა. შეხვედრას ესწრებოდა ბსუ-ს ჰუმანიტარულ მეცნიერებათა ფაკულტეტის ხარისხის უზრუნველყოფის სამსახურის უფროსი ივდით დიასამიძე, სამეცნიერო კვლევების სამსახურის უფროსი თამარ მაჭუტაძე და საუნივერსიტეტო საგრანტო ოფისის კოორდინატორი შოთა როდინაძე.
