5, 6, 7 და 8 დეკემბერს ბსუ-ს პროფესიულ მასწავლებლებს ჩაუტარდათ 20 საათიანი ტრენინგი თემაზე „ციფრული ტექნოლოგიების გამოყენების უნარების განვითარება“.

ბსუ-ს პროფესიული განათლების მასწავლებლების ციფრული კომპეტენციების შეფასების მიზნით ჩატარებული კვლევის შედეგად გამოიკვეთა სასწავლო პროცესში პერსონალის ციფრული ტექნოლოგიების გამოყენების უნარების განვითარების საჭიროება. აღნიშნულიდან გამომდინარე, მოწვეულ იქნა განათლების მართვის საინფორმაციო სისტემის „e-school” პროექტის მენეჯერი და ილიას სახელმწიფო უნივერსიტეტის მოწვეული მასწავლებელი ეკა ჯელაძე.

ტრენინგის მიზანი იყო მასწავლებლებისთვის თანამედროვე ციფრული ინსტრუმენტების გაცნობა და სასწავლო პროცესში მათი პრაქტიკული გამოყენების უნარების განვითარება. ტრენინგზე განხილული საკითხებია:

1.       ხელოვნური ინტელექტი და სასწავლო რესურსების ვიზუალიზაცია;

2.       ინტერაქტიური ვიდეოები სასწავლო პროცესში;

3.       ინტერაქტიული გაკვეთილების მართვა;

4.       ონლაინ გაკვეთილის დიზაინი Nearpod-ით

ტრენინგი მოიცავდა პრაქტიკულ ნაწილს, რომლის ფარგლებშიც პროფესიული განათლების მასწავლებლები დამოუკიდებლად იყენებდნენ ახალ ციფრულ ინსტრუმენტებს და ქმნიდნენ მულტიმედიურ მასალებს ინტერაქტიული გაკვეთილისთვის. დასკვნით სესიაზე წარმოდგენილ იქნა ტრენინგის მონაწილეთა მიერ შექმნილი გაკვეთილები.