პრეზენტაციის მიზანია გამოავლინოს მობილური აპლიკაციების ეფექტურობა ინგლისური ენის სწავლებაში. კვლევამ მოგვცა საშუალება გაგვეცა პასუხი შემდეგ კითხვებზე: როგორ გვეხმარება ციფრული ტექნოლოგიების გამოყენება უცხო ენის სწავლებაში, რა დადებითი და უარყოფითი მხარე აქვს ციფრული ტექნოლოგიების გამოყენებას და როგორ შეიძლება მათი დანერგვა-სწავლება სწავლის პროცესში. უცხო ენის სწავლება ძირითადად ოთხი მიმართულებით მიმდინარეობს. მოსმენა, საუბარი, წერა და კითხვა. ოთხივე უნარ-ჩვევა მჭიდრო კავშირშია ერთმანეთთან და იმისთვის რომ უცხო ენის შესწავლა წარმატებით განხორციელდეს, ოთხივე მიმართულების განვითარება შესაფერისი აქტივობების დაგეგმვით თანაბარ დონეზე უნდა მიმდინარეობდეს. მობილური აპლიკაციების გამოყენება სწავლა- სწავლების პროცესში ერთ-ერთი მნიშვნელოვანი ფაქტორია სასურველი შედეგის მიღწევისათვის. სტატიაში შესწავლილია ის მობილური აპლიკაციები და მოცემულია აქტივობები, რომლებიც გვეხმარება სტუდენთა მოტივაციის ამაღლებაში და ინგლისური ენის დაუფლებაში, უფრო ზუსტად, ყურადღება გამახვილებულია თუ როგორ შეიძლება შევამოწმოთ სხვადასხვა უნარი კრეატიულად. აღწერილი აქტივობები სტუდენტებში სოციალური და ემოციური უნარების განვითარებასაც უწყობს ხელს, ზრდის მათ შემოქმედებითობას, ფანტაზიის უნარს, პროდუქტულობას და თავდაჯერებულობას. წარმოდგენილი ნაშრომი კიდევ ერთი ცდაა დეტალურად შეისწავლოს მობილური აპლიკაციების ეფექტურობა და მოცემულ პრობლემასთან დაკავშირებით დასკვნაში ანზოგადებს მის დადებით და უარყოფით მხარეებს.

2018 წლის 1 ივლისიდან საქართველოს საგადასახადო კოდექსში ცვლილების შეტანით განხორციელდა რეფორმა, რომლითაც შეიცვალა მცირე ბიზნესის სტატუსის მქონე პირთა საშემოსავლო გადასახადით დაბეგვრის წესი. საკანონმდებლო ცვლილების ინიცირებისას საქართველოს მთავრობის მიერ პარლამენტში წარდგენილ განმარტებით ბარათში აღნიშნულია, რომ კანონპროექტის მიღების მიზეზი და მიზანია მცირე ბიზნესის დაბეგვრის რეგულაციების ცვლილება და ამ კატეგორიის გადამხდელთათვის საგადასახადო ტვირთის შემსუბუქება, რაც დადებითად იმოქმედებს აღნიშნულ პირთა ფინანსურ მდგომარეობაზე.

კვლევის აქტუალობა: საქართველოში ჩაის კულტურით დაკავებულია ტიპიური წითელმიწა ნიადაგები, რომლებიც განვითარებულია ვულკანურ ქანებზე. ჩაის მონოკულტურის პირობებში წითელმიწებზე სისტემატურად ხდებოდა ორგანო-მინერალური სასუქის შეტანა სხვადასხვა დოზით. ჩაის კულტურის მასიური გაჩეხვის შედეგად და არასახარბიელო სოციალურ-ეკონომიკური პირობების ფონზე, დღეისათვის ნიადაგების გარკვეული ნაწილი მოცდენილი, მოუვლელი და დეგრადირებულია. ამ მდგომარეობიდან გამოსავალს წარმოადგენს ჩაის პლანტაციებიდან გამოთავისუფლებული წითელმიწების თანამედროვე მდგომარეობის შეფასება, მათი ნაყოფიერების დონის შეფასების და ამაღლების მიზნით. წითელმიწა ნიადაგები ფართოდ არის გავრცელებული დასავლეთ საქართველოს სუბტროპიკული ზონის ბორცვიან მთისწინა ზოლში. აჭარაში და გურიაში ისინი ყველაზე მეტი პროცენტულობით არიან წარმოდგენილი, ზღვის დონიდან 80-200მ სიმაღლეზე. მათ უმეტეს ნაწილზე დომინანტ კულტურებს წარმოადგენდა ციტრუსები და ჩაი, ამჟამად ჩაი ჩანაცვლებულია ძირითადად თხილით და ერთწლიანი კულტურებით.

1. მე-20 ს. ქართული ფილოსოფია მრავალმხრივი და მრავალფეროვანია - ფილოსოფიის ისტორია, თეორიული ფილოსოფია, ლოგიკა, ისტორიის ფილოსოფია, კულტურის ფილოსოფია, აქსიოლოგია, ფილოსოფიური ანთროპოლოგია ...

მეცნიერების ისტორიაში მეცნიერებათა კლასიფიკაცია ერთ-ერთ ყველაზე აუცილებელ, მაგრამ იმავდროულად რთულ პრობლემას წარმოადგენდა. აუცილებელს იმ გაგებით, რომ მის გარეშე შეუძლებელი იქნებოდა დღემდე არსებული ცოდნისა და შესაბამისი მეცნიერული დარგების სისტემატიზირება, იერარქიული დაჯგუფება/დალაგება, მეცნიერულ დარგებს შორის ურთიერთკავშირის აღმოჩენა. რთულს იმ გაგებით, რომ დღემდე არსებული კვლევის მრავალრიცხოვანი და მრავალგვარი სისტემების, ობიექტის, საგნის, მეთოდის, ფუნდამენტალური ხარისხის, გამოყენების სფეროს და ა. შ. განსხვავებულობა პრაქტიკულად შეუძლებელს ხდის ყველა მეცნიერებათა ერთიან კლასიფიკაციას ერთი საფუძვლის მიხედვით. თავდაპირველად (ანტიკურ ეპოქაში) მეცნიერებათა კლასიფიცირებას ართულებდა როგორც მეცნიერების ცნების არარსებობა ისე, სხვადასხვა მეცნიერული დარგების ერთი სახელწოდებით მოხსენიება (არისტოტელეს მეცნიერებათა კლასიფიკაცია), თანამედროვე დროში კი ეს სირთულე დაკავშირებულია როგორც მეცნიერებათა ინტეგრაციასთან (მათემატიკური ლინგვისტიკა, ბიოქიმია, გეოფიზიკა და ა. შ), ისე თვისებრივად ახალი დარგების (კიბერნეტიკა...) ჩამოყალიბებასთან.