უკანასკნელი ათეულიწლების განმავლობაში მძიმე მეტალების შემცველობა გარემომცველ გარემოში - ჰაერში, წყალსა, ნიადაგში და საკვებ პროდუქტებში - საგრძნობლად იზრდება. ეკოლოგიური პირობების გაუარესების გამო ჩვენს მიზანს წარმოადგენდა შეგვესწავლა მძიმე მეტალების რკინა, სპილენძი, თუთია, კობალტი, ნიკელი, კადმიუმის და ტყვიის შემცველობა ციტრუსების ნაყოფში (ქერქი, რბილობი) უსასუქოსა და - აზოტოვანი სასუქების ფორმებთან დაკავშირებით და შეგვედარებინა ის ასევე ჩვენს მიერ ადრე ჩატარებულ კვლევებთან.
ჩატარებული კვლევების შედარებამ გვიჩვენა, რომ მიღებული მონაცემებიდან შეგვიძლია დავასკვნათ, რომ მძიმე მეტალების შემცველობა გაზრდილია ქერქსა და რბილობში, მაგრამ ის არ აღემატება ზღვრულად დასაშვებ კონცენტრაციას.
აქვე უნდა აღინიშნოს, რომ აღნიშნული ელემენტების შემცველობა გათანაბრებულია ქერქსა და რბილობს შორის.

კომპიუტერებისა და კომპიუტერული ქსელების რიცხვის ზრდამ, ქსელური ტექნოლოგიების და ინტერნეტის ტექნოლოგიების ფართო გამოყენებამ მნიშვნელოვნად გააფართოვა არა მხოლოდ მომხმარებლები და ერთმანეთთან ურთიერთობის საშუალებები, არამედ გაზარდა ქსელური ბიზნეს-პროცესების რეალიზაციის შესაძლებლობები.
ინტერნეტ-ტექნოლოგიების მზარდ შესაძლებლობებთან ერთად გაიზარდა მონაცემების დაკარგვის რისკი, ასევე რეპუტაციის და ფინანსური დანაკარგები. სტატისტიკა უჩვენებს, რომ ყოველწლიურად იზრდება კომპიუტერული დამნაშავეების მიერ მიყენებული ფინანსური ზარალი. აქედან გამომდინარე ორგანიზაციებს, კომპანიებს და რიგით მომხმარებლებს უხდებათ გამოყონ დრო და საშუალებები ინფორმაციისა და ქსელური რესურსების უსაფრთხოების დაცვის უზრუნველსაყოფად.

რამდენად ხშირად გამოიყენებენ სხვადასხვა სახის საზღვაო იდიომებს ინგლისურენოვან თანამედროვე პუბლიცისტიკაში, კერძოდ 2000 იანი წლების ჟურნალ-გაზეთებში: გარდიანი, ფორტუნა, შოტლანდიელი, დამოუკიდებელი და სხვა.

კვლევის აქტუალობა: ინოვაცია, როგორცახალი იდეების გაერთიანების პროცესი, უმნიშვნელოვანეს გავლენასახდენს საზოგადოებაზე და თანამედროვე საბაზრო ეკონომიკის პირობებში ქმნის „საზოგადოებრივ კეთილდღეობას“, რომლის შექმნას განაპირობებს ერთის მხრივ როგორც სახელმწიფო „საერთო საზოგადოებრივი კეთილდღეობის“ ანუ საზოგადოების ცხოვრების მაღალი დონის შექმნის მიზნით და მეორეს მხრივ ბიზნეს სექტორი „ინდივიდუალური კეთილდღეობით“ ეს უკანასკნელი ეფუძვნება „პირადი კეთელდღეობის’’ შექმნას და ითვალისწინებს არა მხოლოდ ბაზარზე კონკურენტუნარიანობის მოპოვებას ან შენარჩუნებას არამედ „საზოგადოებისათვის არაწინააღმდეგობრივი“ კეთილდღეობის შექმნის საფუძველზე მაქსიმალური მოგების მიღებას.

ისტორიული და ეთნოგრაფიული წყაროების მიხედვით აფხაზები აჭარაში დასახლდნენ XIX საუკუნის პირველ ნახევარში. ეს იყო მცირერიცხოვანი მიგრაციული პროცესი. მასიური ხასიათი აღნიშნული მოვლენა მიიღო მე- XIX საუკუნის 60-70-იან წლებში და დაკავშირებული იყო მუჰაჯირობასთან. აფხაზეთში მუჰაჯირობა დაიწყო XIX საუკუნის I ნახევარში პროთურქული ორიენტაციის აფხაზი ფეოდალების პოლიტიკური მარცხისა და სახალხო აჯანყების მკაცრად ჩახშობის შედეგად.