როგორც ქათინაურის, ასევე მასზე პასუხის სამეტყველო აქტის თავისებურებები ხშირად ექცევა სხვადასხვა სფეროს ლინგვისტების სამეცნიერო კვლევის ინტერესთა სფეროში. შესაბამისად, დღესდღეობით არსებობს უხვი სამეცნიერო ლიტერატურა, რომელიც აღნიშნული საკითხის სოციოლინგვისტური, პრაგმატიკული, ფქსიქოლინგვისტური და კულტურული ასპექტების კვლევას ეძღვნება. თუმცა უნდა აღინიშნოს, რომ კვლევები, სოციალურ ქსელებში გამოყენებული ქათინაურის და მასზე პასუხის სამეტყველო აქტის განხორციელების ენობრივი თავისებურებების შესახებ საკმაოდ მწირია. რამაც ამ საკითხისადმი ჩემი ინტერესი გამოიწვია.

ბოლო ათწლეულების განმავლობაში ცივილიზებული სამყარო ძალზე სერიოზულად უდგება განათლების ყველა დონეზე სწავლების ხარისხს, განსაკუთრებული ყურადღება ამ მხრივ ეთმობა ფუძემდებლურ საფეხურს - სასკოლო განათლებას.
უდავოა, რომ ნებისმიერი რეფორმა, რომელიც საქართველოში განათლების სფეროში გატარდა, დასავლური გამოცდილების გაზიარებას წარმოადგენდა. თუმცა საკამათოა, რამდენად სწორად იქნა გაზიარებული დასავლური გამოცდილება, რომელი სახელმწიფოს განათლების სისტემა უნდა აგვეღო მაგალითად, რატომ არ ვსწავლობთ ევროპის ისეთი წამყვანი სახელმწიფოებისაგან, როგორიცაა მაგალითად ფინეთი და ნორვეგია, გერმანია და ინგლისი.

ინტერკულტურული განათლება უმნიშვნელოვანესია XXI საუკუნეში. გლობალიზაციის პროცესების კვალდაკვალ, საქართველოში არსებული მრავალფეროვნების გათვალისწინებით, მნიშვნელოვანი გახდა სკოლებისა და მასწავლებელთა მომზადება, რათა მათ შეძლონ მოსწავლეთა მომზადება მულტიკულტურულ გარემოში საცხოვრებლად. მასწავლებლებისთვის მნიშვნელოვანია არა მხოლოდ ზოგადი ხასიათის თეორიული ცოდნა ინტერკულტურული განათლების შესახებ, არამედ მთლიანად პედაგოგიური მიდგომების ტრანსფორმაცია

გერმანული ენის შემსწავსახელი სახელმძღვანელოების ფართო არჩევანს გვთავაზობს ბაზარი. სახელმძღვანელო უმნიშვნელოვანესი“ხელსაწყოა“ უცხო ენის მასწავლებლისათვის, რომელიც ეხმარება პედაგოგს, სწორად წარმართოს საგაკვეთილო პროცესი. თუმცა, ზოგიერთი სახელმძღვანელო უმეტესწილად აკმაყოფილებს მხოლოდ კომერციულ ინტერესებს და ნაკლებად უზრუნვეყობს უცხო ენის ცოდნის ხარისხის ამაღლებას. აქედან გამომდინარე, მნიშვნელოვანია, სწორად შეირჩეს სამიზნე ჯგუფის მოთხოვნების შესაბამისი სახელმძრვანელო.

ალგორითმი თანამედროვე მათემატიკის ფუნდამენტალური ცნებების რიცხვს მიეკუთვნება და იგი სპეციალური დისციპლინის – ალგორითმების თეორიის კვლევის ობიექტს წარმოადგენს.
ალგორითმის შედგენის პროცესს ალგორითმიზაციას უწოდებენ. ტერმინი ალგორითმი მე–9 საუკუნის ცნობილი უზბეკი მოაზროვნის მუხამედ ბენ მუსა ალ–ხორეზმის სახელის ლათინურ ტრანსკრიპციას უკავშირდება (Algorithimi).