ბათუმის შოთა რუსთაველის სახელმწიფო უნივერსიტეტში „ნორვეგიულ-ქართულ-მოლდავურ-უკრაინული საშემოდგომო სკოლა ინოვაციებისა და რისკების მართვის შესახებ“ გაიხსნა. საშემოდგომო სკოლა 21-26 ნოემბრის ჩათვლით ჩატარდება და მასში 30-მდე ქართველი და უცხოელი სტუდენტი და პროფესორ-მასწავლებელი მიიღებს მონაწილეობას. პროექტის მიზანია საგანმანათლებლო და კვლევით სფეროში რაოდენობრივი რისკის მართვის და მასთან დაკავშირებული თემების ოპტიმალური გადაწყვეტილების მხარდაჭერა. უკრაინის, მოლდოვას, საქართველოსა და ნორვეგიის უნივერსიტეტების მდგრადი ქსელის განვითარება და ბიზნესის ხელშეწყობა.