ბათუმის შოთა რუსთაველის სახელმწიფო უნივერსიტეტში მნიშვნელოვანი ნაბიჯი გადაიდგა ახალგაზრდა პერსონალის პროფესიული განვითარების მიმართულებით. ზუსტ მეცნიერებათა და განათლების ფაკულტეტისა და სტუდენტთა კარიერული განვითარების, სპორტისა და კულტურის დეპარტამენტის მხარდაჭერით, ერაზმუს+ პროექტის ფარგლებში "პროფესიული განათლებისა და სტუდენტთა ჩართულობის ხელშეწყობა მენტორინგისა და ტუტორინგის ყოვლისმომცველი სისტემის მეშვეობით" ჩატარდა ახალგაზრდა ლექტორთა მხარდაჭერის სემინარი.

"პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის ყოვლისმომცველი სისტემის მეშვეობით HEIS-ში" თანამშრომლობითი სწავლების სესიამ გააერთიანა რამდენიმე სტუდენტი საერთო სასწავლო კურსში არსებული აკადემიური გამოწვევების დასაძლევად. სტუდენტმა ტუტორმა საკუთარ თავზე აიღო სასწავლო ჯგუფის ხელმძღვანელობა და დაეხმარა თანაკურსელებს რთული თემების გააზრებაში გამარტივებული მიდგომებისა და სხვადასხვა მაგალითების გამოყენებით.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტი „ერაზმუს+“-ის პროგრამის „განათლების ცენტრი უსაფრთხოებაში ერთიანი მდგრადობისა და ეფექტური კომუნიკაციისთვის - SECURE" პროექტის კონსორციუმის წევრია. აღნიშნული პროექტი აერთიანებს ცხრა უნივერსიტეტს უკრაინიდან, საქართველოდან, პორტუგალიიდან, ესპანეთიდან და ლიეტუვიდან, პროექტის კოორდინატორია ავეიროს უნივერსიტეტი.

ბათუმის შოთა რუსთაველის სახელმწიფო უნივერსიტეტის ფიზიკის დეპარტამენტმა ახალი თანამედროვე სასწავლო ლაბორატორიები შეიძინა (მიკროელექტრონიკისა და ტრანსფორმატორების ტრენინგ სისტემა). ლაბორატორიები უზრუნველყოფენ როგორც სასწავლო, ისე კვლევით პროცესში ინოვაციურ მიდგომებს. აღჭურვილობა მრავალჯერადი და მულტიფუნქციური გამოყენების საშუალებას იძლევა და მნიშვნელოვნად გააუმჯობესებს სტუდენტების პრაქტიკულ მომზადებას და თანამედროვე ტექნოლოგიებთან ინტეგრაციას.

ბათუმის შოთა რუსთაველის სახელმწიფო უნივერსიტეტთან თანამშრომლობის და საერთო სამეცნიერო კვლევების კოლაბორაციის მიზნით, ზუსტ მეცნიერებათა და განათლების ფაკულტეტს სტუმრად ეწვია საუდის არაბეთის ქალაქ მექის „უმ ალ-ქურას“ უნივერსიტეტის კომპიუტერული მეცნიერების დეპარტამენტის ასოცირებული პროფესორი, დოქტორი ტარიკ ალაფიფი. სტუმარმა კომპიუტერული მეცნიერების საგანმანათლებლო პროგრამის სტუდენტებთან და დეპარტამენტის აკადემიურ პერსონალთან გამართა შეხვედრა და ჩაატარა შემეცნებითი ლექცია ხელოვნური ინტელექტის გამოყენებასა და მანქანური დასწავლის შესაძლებლობებზე მედიცინაში და მრეწველობის სხვადასხვა სფეროში. შეხვედრა ინტერაქციული ფორმით გაიმართა. სტუდენტებმა გამოთქვეს სურვილი, მიიღონ მონაწილეობა კვლევით პროექტებში.