ბათუმის შოთა რუსთაველის სახელმწიფო უნივერსიტეტი მეორე საერთაშორისო კონფერენციას „ადრეული განათლება და ზრუნვა“ მასპინძლობს. ორდღიან კონფერენციაში მონაწილეობენ ადრეული განათლების სფეროს ექსპერტები, პრაქტიკოსები და ხელისუფლების წარმომადგენლები, რათა ერთმანეთს გაუზიარონ ცოდნა, განავითარონ თანამშრომლობა და ხელი შეუწყონ წინსვლას ადრეული განათლებისა და ზრუნვის სფეროში. ფორუმზე 100-მდე მონაწილე საქართველოდან და უცხოეთიდან მოხსენებას წარმოადგენს და მონაწილეობას მიიღებს თემატურ პანელურ დისკუსიებში კონფერენციის მთავარი თემის ირგვლივ: „თამაში: ხარისხიანი ადრეული განათლებისა და ზრუნვის საფუძველი“. ხაზი გაესმება თამაშის გადამწყვეტ როლს ბავშვების განვითარებასა და სწავლაში.

„ერაზმუს+“-ის საგრანტო პროექტის „უმაღლეს საგანმანათლებლო დაწესებულებებში პროფესიული განათლებისა და სტუდენტების ჩართულობის ხელშეწყობა მენტორინგისა და ტუტორინგის სისტემით - PROMENT” ფარგლებში, ბსუ-ში მორიგი შეხვედრა გაიმართა. პროექტის მიზანია სტუდენტთა კარიერული შესაძლებლობების გაძლიერების ხელშეწყობა პროფესიული და სოციალური უნარების გაუმჯობესება მენტორინგისა და ტუტორინგის გზით. PROMENT პროექტის მნიშვნელობიდან გამომდინარე, პროექტის გუნდი დაკომპლექტდა ბსუ-ს ადმინისტრაციული პირების, სტუდენტთა კარიერული განვითარების სამსახურის და აკადემიური პერსონალის წარმომადგენლებისგან.

ბსუ-ში II საერთაშორისო კონფერენციის „ადრეული განათლება და ზრუნვა“ ფარგლებში, პრეკონფერენცია გაიმართა. მოეწყო პლენარული დისკუსია თემაზე: „პროფესიული განვითარების შესაძლებლობები: კარგი პრაქტიკა (აჭარის მოდელი)“. ორი დღის განმავლობაში ილიას უნივერსიტეტის ადრეული განათლების სპეციალისტები და საბავშვო ბაღების აღმზრდელები ჩაატარებენ ვორქშოფებს ადრეული და სკოლამდელი განათლების სპეციალისტებისთვის

29 მაისს - 2 ივნისს ბათუმის შოთა რუსთაველის სახელმწიფო უნივერსიტეტში „ერაზმუს+“- ის აკადემიური პერსონალის გაცვლითი პროგრამის ფარგლებში, რუსეს ანგელ კანჩევის უნივერსიტეტის (ბულგარეთი) ასოცირებული პროფესორები ალექსანდრე ივანოვი და გალინა ივანოვა იმყოფებოდნენ. ვიზიტის ფარგლებში გაიმართა სამუშაო შეხვედრა კომპიუტერულ მეცნიერებათა დეპარტამენტის აკადემიურ პერსონალთან და სტრატეგიული განვითარებისა და საგარეო ურთიერთობათა დეპარტამენტის თანამშრომლებთან. მხარეებმა შეხვედრაზე სამომავლო გეგმებზე და ერთობლივი პროექტების განხორციელებაზე ისაუბრეს.

ბსუ-ში გაეროს წარმომადგენელმა საქართველოში საბინე მახლიმ და ბათუმის შოთა რუსთველის სახელმწიფო უნივერსიტეტის რექტორმა მერაბ ხალვაშმა ბსუ-ში SDG - ახალგაზრდული სივრცე გახსნეს. ახალგზადრული სივრცის მიზანია მდგრადი განვითარების მიზნების მხარდაჭერა და ახალგაზრდებისათვის ისეთი აქტივობების შეთავაზება, რომელიც მათ ახალ უნარებს გამოუმუშავებს თანამედროვე სამყაროს გამოწვევების საპასუხოდ. ღონისძიების ფარგლებში გაიმართა ჰიბრიდული კურსის პრეზენტაცია, რომელიც მოიცავს გაეროს მდგრადი განვითარების მიზნების იმპლემენტაციის საკითხებსა და ტრენინგებს. ახალგაზრდული სივრცე განათლებისა და საერთაშორისო განვითარების აკადემიისა და გაეროს წარმომადგენლობის თანამშრომლობით გაიხსნა.