ბათუმის შოთა რუსთაველის სახელმწიფო უნივერსიტეტისა და თბილისის ივანე ჯავახიშვილის სახელობის სახელმწიფო უნივერსიტეტის პროფესორ-მასწავლებლების მონაწილეობით ბსუ-ში პანელური დისკუსია „პოსტსაბჭოთა საქართველოს საბჭოური მემკვიდრეობა“ და პროფესორ მალხაზ მაცაბერიძის მონოგრაფიის - „საბჭოთა კავშირი: კომუნისტური ტოტალიტარიზმის აღზევება და დაცემა“- პრეზენტაცია გაიმართა. ღონისძიება პანელური სესიების ეგიდით „საქართველოს პირველი დემოკრატიული რესპუბლიკა - გზა ევროპისკენ“ ჩატარდა და ეძღვნებოდა ქართველი სახელმწიფო მოღვაწის, საქართველოს დემოკრატიული რესპუბლიკის მთავრობის თავმჯდომარის, ნოე ჟორდანიას ხსოვნას.