ბათუმის შოთა რუსთაველის სახელმწიფო უნივერსიტეტში იურიდიული და სოციალურ მეცნიერებათა ფაკულტეტის ასისტენტ პროფესორმა გიგა ფარტენაძემ საჯარო ლექცია წაიკითხა თემაზე: „საქართველოს ევროპული ინტეგრაცია”. მომხსენებელმა ისაუბრა ევროკავშირსა და საქართველოს შორის ურთიერთობის ისტორიული პოსტულატების, ევროკავშირის მიერ მხარდაჭერილი და განხორციელებული განათლების, ჯანდაცვის, სოფლის მეურნეობის, ეკონომიკის, ახალგაზრდული პოლიტიკის და ა.შ. პროექტების საკითხებზე. ლექციას ესწრებოდნენ სხვადასხვა ფაკულტეტის სტუდენტები და სკოლების მოსწავლეები.

ბსუ-ს იურიდიული და სოციალურ მეცნიერებათა ფაკულტეტი USAID სამართლის უზენაესობის პროგრამის მხარდაჭერით, ახორციელებს პროექტს „აჭარის რეგიონში პრაქტიკული სამართლის და კონსტიტუციური მართლმსაჯულების სწავლების ხელშეწყობა“. პროექტის ფარგლებშიც სამართალმცოდნეობის პროგრამაზე დაინერგა პრაქტიკული სამართლის და კონსტიტუციური მართლმსაჯულების კლინიკური სწავლება. სამართალმცოდნეობის პროგრამის IV კურსის სტუდენტებმა პრაქტიკული სამართლის კლინიკის კოორდინატორის, ცირა კომახიძის ხელმძღვანელობით, 2024 წლის 2-11 აპრილს, ხელვაჩაურის მუნიციპალიტეტის ახალსოფლის, ახალშენის N1, დაბა მახინჯაურის და ჩაქვის N1-ლი საჯარო სკოლების X-XI კლასის მოსწავლეებისთვის ჩაატარეს სამართლებრივი გაკვეთილები თემაზე: „კონსტიტუცია და დემოკრატია“.

ბათუმის შოთა რუსთაველის სახელმწიფო უნივერსიტეტში იუსტიციის სამინისტროს ახალგაზრდული კლუბ „YOUTHTITIA" შესახებ საინფორმაციო შეხვედრა გაიმართა. ახალგაზრდული კლუბის ფარგლებში დაგეგმილი აქტივობების, პროფესიული და სოციალური ტრენინგების შესახებ სტუდენტებს ინფორმაცია მიაწოდეს იუსტიციის სასწავლო ცენტრის დირექტორმა ვახტანგ ჟვანიამ და ცენტრის წარმომადგენლებმა. შეხვედრის მონაწილეებს მიესალმნენ და პროექტის მნიშვნელობაზე ისაუბრეს ბსუ-ს რექტორის მოადგილემ ანზორ ბერიძემ და იურიდიული და სოციალურ მეცნიერებათა ფაკულტეტის დეკანმა ლევან ჯაყელმა.

ბსუ-ს მესამე მისიის ფარგლებში, ბსუ იურიდიული და სოციალურ მეცნიერებათა ფაკულტეტის იურიდიული კლინიკის ხელმძღვანელის, მოწვეული ლექტორის, ნარგიზ ცეცხლაძის ხელმძღვანელობით შეხვედრა გაიმართა ბათუმის N1 საჯარო სკოლის მოსწავლეებთან. ნარგიზ ცეცხლაძემ საჯარო ლექცია წაიკითხა ბავშვთა უფლებებზე. მომხსენებლმა ყურადღება გაამახვილაეროვნულ კანონმდებლობაში ბავშვთა უფლებების დაცვის მიმართულებით არსებულ სიახლეებზე, ბავშვთა პერსონალური მონაცემების დაცვის მექანიზმებზე, ბავშვთა შრომის უფლებებსა და საერთაშორისო აქტების საუკეთესო ინტერესების დაცვის საკითხებზე. ლექცია აგრეთვე შეეხო ადრეული ქორწინების უარყოფით შედეგებსა და მათი აღმოფხვრის გზებს.

ბსუ-ს იურიდიული და სოციალურ მეცნიერებათა ფაკულტეტის მოწვეულმა ლექტორმა, სამართლის დოქტორანტმა ცირა კომახიძემ სარფის საჯარო სკოლაში საჯარო ლექცია წაიკითხა თემაზე: „ადამიანის ძირითადი უფლებებეი და უფლებათა დაცვის მექანიზმები“. მომხსნებელმა განიხილა საქართველოს 1921 და 1995 წლის კონსტიტუციით გარანტირებული ძირითადი უფლებები და მათი არსი. ცირა კომახიძემ ასევე ისაუბრა უფლებათა დაცვის მექანიზმებზე, კერძოდ, საკონსტიტუციო სასამართლოს, საერთო სასამართლოების, სახალხო დამცველისა და ადამიანის უფლებათა ევროპული სასამართლოს უფლებამოსილებებზე.