29 ივლისიდან 2 აგვისტოს ჩათვლით ბათუმის შოთა რუსთაველის სახელმწიფო უნივერსიტეტში ჟან მონეს კათედრის „უფრო ახლოს ევროკავშირთან“ საზაფხულო სკოლა „ევროკავშირის კონკურენციის სამართალი“ გაიმართა. ხუთდღიან სკოლას უძღვებოდა ბსუს პროფესორი, ჟან მონეს კათედრის ხელმძღვანელი სოლომონ მენაბდიშვილი. სკოლის ფარგლებში ლექციები ჩატარდა ევროკავშირის კონკურენციის სამართლის აქტუალურ საკითხებზე, მათ შორის კარტელების, დომინანტური პოზიციის ბოროტად გამოყენების, კონცენტრაციების, სახელმწიფო დახმარების, ინტელექტუალური საკუთრებისა და სხვა მნიშვნელოვან საკითხებზე. სკოლის დასასრულს, მონაწილეები დაჯილდოვდნენ სერტიფიკატებით.

ბათუმის შოთა რუსთაველის სახელმწიფო უნივერსიტეტში საზაფხულო სკოლა „ევროკავშირში გაწევრიანების პოლიტიკური კრიტერიუმები დაევროპეიზაცია“ დასრულდა. სკოლა ჩატარდა 26-30 ივლისს, „ერაზმუს+“-ის პროგრამის ევროკავშირის მიერ დაფინანსებული ჟან მონეს მოდულის „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაციის“ ფარგლებში. საზაფხულო სკოლაში მონაწილეობდა საქართველოს სხვადასხვა უნივერსიტეტის 21 სტუდენტი, რომლებსაც ლექციები წაუკითხეს მოდულის კოორდინატორმა, ჟან მონეს პროფესორმა მალხაზ ნაკაშიძემ, უკრაინის სამართლის ეროვნული უნივერსიტეტის პროფესორებმა, მოდულის აკადემიურმა პერსონალმა, ვიცე-რექტორმა იური ბარაბაშმა, ჟან მონეს პროფესორმა ოლესეა პლოტნიკმა მოლდოვის სახელმწიფო უნივერსიტეტიდან და სერბეთის სოციალურ მეცნიერებათა ცენტრის მკვლევარმა, დოქტორმა მარკო მილენკოვიჩმა.

ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათა ფაკულტეტი, ჟან მონეს კათედრის „უფრო ახლოს ევროპასთან“ ორგანიზებით, მოსამართლეებს, მოსამართლის თანაშემწეებს, სტუდენტებს და დაინტერესებულ პირებს იწვევს საზაფხულო სკოლაში „ევროკავშირის კონკურენციის სამართალი“ მონაწილეობის მისაღებად, რომელიც გაიმართება 2024 წლის 29 ივლისიდან 2 აგვისტომდე ქ. ბათუმში. სკოლას წარუძღვება ჟან მონეს კათედრის ხელმძღვანელი პროფ. სოლომონ მენაბდიშვილი.

ბსუ-ში ევროკავშირის მიერ დაფინანსებული ჟან მონეს კათედრის „უფრო ახლოს ევროკავშირთან“ ფარგლებში, ერთკვირიანი საზაფხულო სკოლა „ევროკავშირის კონკურენციის სამართალი“ გაიხსნა. საზაფხულო სკოლას ჟან მონეს კათედრის ხელმძღვანელი ბსუ-ს პროფესორი სოლომონ მენაბდიშვილი უძღვება და მასში მონაწილეობს საქართველოს სხვადასხვა უნივერსიტეტის 32 სტუდენტი. სწავლების მიზანია, სტუდენტებს მისცეს საბაზისო ცოდნა ევროკავშირის კონკურენციის სამართლის შესახებ. საზაფხულო სკოლის ფარგლებში განხილული იქნება ევროკავშირის კონკურენციის სამართლის შემდეგი საკითხები: კონკურენციის სამართალის წარმოშობა, მისი მიზნები, ეკონომიკური აგენტების შეთანხმებული მოქმედებები (კარტელები), კარტელის პასუხისმგებლობისაგან განთავისუფლების პირობები, ეკონომიკური აგენტების მიერ დომინანტური მდგომარეობის ფლობა.

სკოლა ტარდება „ერაზმუს+“-ის პროგრამის, ევროკავშირის მიერ დაფინანსებული ჟან მონეს მოდულის „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაციის“ ფარგლებში, რომელიც იურიდიული და სოციალურ მეცნიერებათა ფაკულტეტზე ხორციელდება 2023 წლიდან. მოდული მიზნად ისახავს ევროკავშირის ღირებულებების პოპულარიზაციას ევროკავშირის შესახებ კვლევებისა და სწავლების განვითარების ხელშეწყობის გზით. ჟან მონეს მოდულის კოორდინატორია ბსუ-ს პროფესორი, ჟან მონეს კათედრის ხელმძღვანელი მალხაზ ნაკაშიძე.