ბსუ-ში იურიდიული და სოციალურ მეცნიერებათა ფაკულტეტის 2024 წლის კურსდამთავრებულთა გამოშვების საზეიმო ცერემონია გაიმართა. კურსდამთავრებულებს სწავლის დასრულება მიულოცეს და სიგელები გადასცეს უნივერსიტეტის რექტორმა მერაბ ხალვაშმა, ფაკულტეტის დეკანმა ლევან ჯაყელმა, ადმინსტრაციის ხელმძღვანელმა მერაბ დიასამიძემ, რექტორის მოადგილემ თამარ სირაძემ, აჭარის ა.რ. უმაღლესი საბჭოს თავჯდომარემ დავით გაბაიძემ, აჭარის ა.რ. პროკურორის მოადგილემ ანზორ უსტიაძემ, აჭარის ა.რ. სავაჭრო პალატის არბიტრმა, სასამართლო მედიატორმა პაატა კოპალეიშვილმა, ბათუმის სპორტული ცენტრის ხელმძღვანელმა, ფაკულტეტის კურსდამთავრებულმა უჩა აბრამიშვილმა, საერთაშორისო ურთიერთობების საბაკალავრო პროგრამის წარმატებულმა კურსდამთავრებულმა მარიკა კაკალაძემ და პროფესორ-მასწავლებლებმა.

ბათუმში, სასტუმრო „ნიუ ვეის“ საკონფერენციო დარბაზში, პროექტის „ინკლუზიური მშვიდობა და უსაფრთხოება“ ფარგლებში, თავდაცვის და უსაფრთხოების სამოქალაქო საბჭოს ორგანიზებით ტრენინგი ჩატარდა. ტრენინგს უძღვებოდნენ პროექტის მენეჯერი შორენა ლორთქიფანიძე, ბსუ-ს პროფესორი ირაკლი მანველიძე, ასისტენტ პროფესორი გიგა ფარტენაძე და მოწვეული ლექტორი, აჭარის უმაღლესის საბჭოს წევრი, გენდერული საბჭოს თავმჯდომარე ფატი ხალვაში. სპიკერებმა გაანალიზეს „FFP-ის დოქტრინა“ და ფემინისტურ გაეროს რეზოლუციები, როგორც FFP-ის ოფიციალური დანერგვის წინამორბედი საერთაშორისო ურთიერთობების თეორიასა და პრაქტიკაში.

ბსუ-ს იურიდიული და სოციალურ მეცნიერებათა ფაკულტეტის ფაკულტეტის პროფესორმა ირაკლი მანველიძემ და ასისტენტ პროფესორმა გიგა ფარტენაძემ პროექტის: ინკლუზიური მშვიდობა და უსაფრთხოების ფარგლებში ჩატარეს საჯარო ლექციები თემებზე: „ფემნისტური საჯარო პოლიტიკა“ და „ფრმინიზმი და ახალგაზრდობა“. სპიკერებმა აკადემიურ, მოწვეულ პერსონალსა და სტუდენტებს გააცნეს ფემინიზმისა და პოლიტიკის ურთიერთმიმართების სხვადსხვა ასპექტი. მომხსენებლებმა საუბრისას ყურადღება გაამახვილეს ქალების უფრო დიდ წარმომადგენლობაზე საგარეო პოლიტიკაში, სამშვიდობო პროცესებსა და პროექტებში, ქალებისა და უფლებების, როგორც ცალკეული ხაზის ჩართვაზე სახელმწიფოს საგარეო პოლიტიკურ მიზნებში. სალექციო თემები ითვალისწინებდა ფემინიზმის ეროვნულ და რეგიონულ ანალიზს საჯარო პოლიტიკის კონტექსტში.

ბსუ-ში ჟან მონეს კათედრის „უფრო ახლოს ევროკავშირთან“ ტრეინინგი „ევროკავშირის კონკურენციის სამართალი“ ჩატარდა. ორდღიან ტრეინინგს უძღვებოდნენ ბსუს პროფესორი, ჟან მონეს კათედრის ხელმძღვანელი სოლომონ მენაბდიშვილი, თბილისის საქალაქო სასამართლო მოსამართლე თამარ ლაკერბაია და საქართველოს ეროვნული ბანკის კონკურენციის განყოფილების ხელმძღვანელი სოფიო მომცელიძე. ტრეინინგის ფარგლებში ლექციები ჩატარდა ევროკავშირის კონკურენციის სამართლის აქტუალურ საკითხებზე, მათ შორის კარტელების, დომინანტური პოზიციის ბოროტად გამოყენების, კონცენტრაციების, სახელმწიფო დახმარების, ინტელექტუალური საკუთრებისა და სხვა მნიშვნელოვან საკითხებზე. ტრეინინგის დასასრულს, მონაწილეები დაჯილდოვდნენ სერტიფიკატებით.

ბათუმის შოთა რუსთაველის სახელმწიფო უნივერსიტეტში, იურიდიულ და სოციალურ მეცნიერებათა ფაკულტეტის სტუდენტებისა და პროფესორ-მასწავლებლებისათვის ჩატარდა სემინარი თემაზე: „ევროკავშირში გაწევრიანების პოლიტიკური კრიტერიუმები და ევროპეიზაციის გამოწვევები“, მომხსენებელი: პროფესორი, ჟან მონეს კათედრის (EUCONST) ხელმძღვანელი, ჟან მონეს მოდულის (TRIO.JOIN.EU) კოორდინატორი მალხაზ ნაკაშიძე. სემინარზე გაიმართა დისკუსია ევროკავშირში საქართველოს გაწევრიანების პროცესში არსებული გამოწვევების შესახებ.