ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის იურიდიულ კლინიკაში სტაჟიორთა შესარჩევი კონკურსი ჩატარდა. საკონკურსო კომისიამ ნარგიზ ცეცხლაძის, ლინდა შალამბერიძისა და ანნა მდინარაძის შემადგენლობით 18 კონკურსანტიდან 14 მონაწილე შეარჩია. მომავალი სამართალდამცავები სტაჟირებას იურიდიულ კლინიკაში გაივლიან. სტაჟირების პროგრამა მიზნად ისახავს სტუდენტთა პრაქტიკული უნარ-ჩვევების დაუფლების ხელშეწყობას.
ბსუ-ს იურიდიული და სოციალურ მეცნიერებათა ფაკულტეტის დეკანმა ლევან ჯაყელმა და სამართლის დეპარტამენტის ასოცირებულმა პროფესორმა მალხაზ ნაკაშიძემ მონაწილეობა მიიღეს 15-18 ოქტომბერს, ლატვიის უნივერსიტეტის 100 წლისადმი მიძღვნილ ღონისძიებებსა და სამართლის სკოლის მიერ ორგანიზებულ საიუბილეო საერთაშორისო კონფერენციაში. ვიზიტის ფარგლებში იურიდიული და სოციალურ მეცნიერებათა ფაკულტეტის დეკანი ლევან ჯაყელი სხვადასხვა ევროპული უმაღლესი სასწავლებლების წარმომადგენლებს შეხვდა. ლატვიის უნივერსიტეტის სამართლის სკოლის დეკანთან ანიტა როდინასთან გამართულ შეხვედრაზე დაიგეგმა სამართალმცოდნეობის პროგრამის სტუდენტების სწავლება, სამეცნიერო პროექტებში ჩართვა და ერაზმუს+-ის გაცვლითი პროგრამის ფარგლებში სტუდენტებისა და აკადემიური პერსონალისთვის საგრანტო განაცხადის ერთობლივად წარდგენა.
ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის უფროსმა მასწავლებელმა ინგა ცინცქილაძემ 7-11 ოქტომბერს, პროგრამის Erasmus+-ის ფარგლებში ლექციები ჩაატარა საბერძნეთში,თესალონიკის არისტოტელეს სახელობის უნივერსიტეტში. ლექციები მოიცავდა ისეთ აქტუალურ თემებს, როგორიცაა: სამხრეთ კავკასია და ევროპის სამეზობლო პოლიტიკა, საქართველო-ევროკავშირის ურთიერთობები, ასოცირების შეთანხმება და მისი გავლენა პოლიტიკურ პროცესებზე საქართველოში.
ბსუ-ს იურიდიული და სოციალურ მეცნიერებათა ფაკულტეტის ფსიქოლოგიის კლინიკის ორგანიზებით სხეულზე ორიენტირებული ფსიქოთერაპევტმა, ფსიქოლოგმა, ბიოსინთეტიკოსმა კეროლაინ ბრექჰემმა (დიდი ბრიტანეთი) საჯარო ლექცია წაიკითხა თემაზე: „ჰაკომი-მეთოდი, როგორც თვითრეგულაციის გზა“. ჰაკომი - მეთოდი-მიმართულება დაარსა 1980-იან წლებში რონ კურცმა და იგი მოიცავს სხეულზე ორიენტირებულ ფსიქოთერაპიას და ფილისოფიურ პრინციპებს. საკუთარი ემოციური მდგომარეობის რეგულაციის უნარი, ფსიქოლოგიური მდგრადობა და სტრესის მიმართ ტოლერანტობა - მნიშვნელოვანი რესურსია მაღალი ხარისხის ცხოვრების და ეფექტური ფუნქციონირებისთვის. ჰაკომი - მეთოდი ითვალისწინებს საკუთარი მდგომარეობის და თვითგანვითარების გზებს.
ბათუმის შოთა რუსთაველის სახელმწიფო უნივერსიტეტში ამერიკელმა დოქტორმა, ლიცენზირებული ფსიქიატრიული ჯანმრთელობის მრჩეველმა (LMHC), ლიცენზირებული ოჯახის თერაპევტმა (LMFT), EMDR-ის სერტიფიცირებულმა თერაპევტმა, EMDR კონსულტანტმა ტრენინგში, ნეიროფიდბეკის სერთიფიცირებულმა თერაპევტმა, დოქტორმა გულნორა ჰანდლიმ საჯარო ლექცია წაიკითხას თემაზე: „კომუნიკაციის საფუძვლები“. მომხსენებლმა ლექციაზე კომუნიკაციის ისეთ აქტუალურ საკითხებზე ისაუბრა, როგორიცაა: აზრის მკაფიოდ გამოთქმა, ინფორმაციის გადაცემა და მიღება, არგუმენტის ჩამოყალიბება, დისკუსია და კრიტიკული აზროვნება.
