ბათუმის შოთა რუსთაველის სახელმწიფო უნივერსიტეტში ახალი საბაკალვრო საგანმანათლებლო პროგრამის საჯარო მმართველობის შემუშავების ფარგლებში გარე შეფასების მიზნით გაიმართა პროგრამის მიზნების, შედეგების განხილვა ბერლინის თავისუფალი უნივერსიტეტის პროფესორთან იან ქიოლერთან. სამუშაო ჯგუფის ხელმძღვანელმა ასოცირებულმა პროფესორმა ირაკლი მანველიძემ იონ ქიოლერს გააცნო საგანმანთლებლო პროგრამის სტრუქტურა, კურიკულუმი, სასწავლო კურსები, პროგრამის მიზნები, ამოცანები, დასაქმების ბაზრის და დამსაქმებელთა მოთხოვნების ანალიზი. შეხვედრაზე პროფესორმა იან ქოლერმა დადებითად შეაფასა საგანმანათლებლო პროგრამა და გამოთქვა სურვილი, სასწავლო კურიკულუმში აისახოს კონფლიქტების და ძალადობის ამსახველი კურსები, რადგან ძალადობისა და კონფლიქტების რისკების ზრდის პირობებში აუცილებელია თანამედროვე საჯარო მოხელეს ჰქონდეს შესაბამისი ცოდნა და უნარები.

საერთაშორისო ურთიერთობებისა და ევროპისმცოდნეობის სპეციალობის მეოთხე კურსის სტუდენტები სასწავლო პრაქტიკას აჭარის ა.რ. მთავრობის აპარატის საერთაშორისო ურთიერთობებისა და პროტოკოლის განყოფილებასა და აზერბაიჯანის გენერალურ საკონსულოში გადიან. სასწავლო პრაქტიკის მიზანია საგანმანათლებლო პროგრამის ფარგლებში მიღებული თეორიული ცოდნის გაღრმავება, სამუშაო გარემოში თეორიული ცოდნის გამოყენება, პრაქტიკული უნარ-ჩვევების განვითარება და პრაქტიკული მუშაობისთვის აუცილებელი კომპეტენციების ჩამოყალიბება. სტუდენტების სასწავლო პრაქტიკას საზოგადოებრივ და პოლიტიკურ მეცნიერებათა დეპარტამენტის ასოცირებული პროფესორების ირაკლი მანველიძისა და ნატალია ლაზბას ხელმძღვანელობით გადიან.

საზოგადოებრივი ჯანმრთელობის ევროპული კვირეულს ფარგლებში იურიდიული და სოციალურ მეცნიერებათა ფაკულტეტი ასოცირებულმა პროფესორმა ქეთევან ბერიძემ საჯარო ლექცია წაიკითხა თემაზე: „ახალგაზრდების ფსიქიკური ჯანმრთელობა“. მომხსენებელმა სტუდენტებს ფსიქიკური დაავადებების სპეციფიკა და გამომწვევი ზოგადი მიზეზები გააცნო, ყურადღება გაამახვილა ფიზიკურ, ფსიქოლოგიურ და სხვა გარემომცველ ფაქტორზე. ლექციის დასრულების შემდეგ ასოცირებულმა პროფესორმა ქეთევან ბერიძემ სტუდენტების შეკითხვებს უპასუხა.

ბათუმის შოთა რუსთაველის სახელმწიფო უნვერსიტეტში ევროპის დღის ფარგლებში საზაფხულო სკოლა: „მეტი ევროპა საქართველოში“ იმართება. პროექტი მიზნად ისახავს დემოკრატიული სამოქალაქო საზოგადოების ფორმირების და განვითარების ხელშეწყობას ევროინტეგრაციის საკითხებში, დემოკრატიზაციის პროცესების გაძლიერებას, ცნობიერების ამაღლებას და სამოქალაქო კულტურის განვითარებას. იურიუდიული და სოციალურ მეცნიერებათა ფაკულტეტის პროფესორ-მასწავლებელები ბათუმის საჯარო სკოლის დამამთავრებელი სკოლის მოსწავლეებს ორდღიან სწავლებას ჩაუტარებენ ევროინტეგრაციის საკითხებში.

სამართლის დეპარტამენტის პროფესორმა მურმან გორგოშაძემ მონაწილეობა მიიღო ბათუმის შოთა რუსთაველის სახელმწიფო უნივერსიტეტისა და ბათუმის ბულვარის თანამშრომლობის ფარგლებში გამართულ პირველ სამეცნიერო კონფერენციაში - „ბათუმის ბულვარი, წარსული და თანამედროვეობა“. პროფესორმა მურმან გორგოშაძემ წაიკითხა მოხსენება თემაზე „საჯარო ინფორმირებისთვის სახელმწიფო ენის გამოყენების პრაქტიკის ზოგიერთი სამართლებრივი ასპექტი ბათუმის ბულვარის ტერიტორიაზე“.