9-12 მაისს, ბსუ-ში ფსიქოლოგიის კლინიკის ფსიქოთერაპევტებისა და სოციალურ მეცნიერებათა დეპარტამენტის აკადემიური პირებისთვის მეოთხე სემინარი „მუშაობა მშობლებთან და ოჯახის წევრებთან“ ჩატარდა სხეულზე ორიენტირებული ფსიქოთერაპიის საერთაშორისო კურსის „სხეულზე ორიენტირებული ფსიქოთერაპია შშმ პირებთან და მათ ოჯახის წევრებთან“ ფარგლებში. სწავლების მონაწილეები გაეცნენ „შშმპ ბავშვებისა და ოჯახის წევრების ურთიერთობის საკითხებს“, შეისწავლენ ჯგუფური თერაპიის ჩატარების ზოგადი წესები, ჯგუფური სესიების დაგეგმვა დაჯგუფის წაყვანის პრაქტიკული უნარები. ტრენინგი ურაინის სხეულზე ორიენტირებული ფსიქოთერაპიის ასოციაციის თავჯდომარემ ირინა კაჩურამ ჩაატარა.

ერასმუს+-ის საერთაშორისო კვირეულის ფარგლებში, იურდიულ და სოციალურ მეცნიერებათა ფაკულტეტს ზალცბურგის უნივერსიტეტის სოციალურ მეცნიერებათა დეპარტამენტის პროფესორი ფრანც კოკი ეწვია. ვიზიტის ფარგლებში პროფესორი ფრანც კოკი იურიდიულ და სოციალურ მეცნიერებათა ფაკულტეტის დეკანს ლევან ჯაყელსა და საზოგადოებრივ და პოლიტიკურ მეცნიერებათა დეპარტამენტის პროფესორ-მასწავლებლებს შეხვდა. შეხვედრაზე განიხილეს პოლიტიკის მეცნიერების აქტუალური საკითხები, პოლიტიკის მეცნიერების სწავლების ინოვაციური მეთოდები, სამეცნიერო-კვლევითი თანამშრომლობის სამომავლო გეგმები და 2019-2023 წლებში ერასმუს +-ის ფარგლებში სტუდენტთა და პროფესორთა გაცვლის პროგრამის დეტალები.

იურიდიული და სოციალურ მეცნიერებათა ფაკულტეტის ასოცირებულმა პროფესორებმა: ირაკლი მანველიძემ, ინეზა ზოიძემ, რევაზ დიასამიძემ, ნატალია ლაზბამ, ირაკლი გორგილაძემ, ლაშა ბაჟუნაიშვილმა, ასისტენტ პროფესორებმა: ლაშა ხოზრევანიძემ, ზაზა ბურკაძემ, ისტორიის დოქტორმა არჩილ ვარშალომიძემ, მასკომუნიკაციის დოქტორმა ირინე ცინცაძემ, საჯარო მმართველობის დოქტორანტმა გიგა ფარტენაძემ მონაწილეობა მიიღეს ფორუმში „ასოცირების შეთანხმება და შავი ზღვის თანამშრომლობა“. ღონისძიების მონაწილეებმა განიხილეს ისეთი აქტუალური თემა, როგორცაა ევროკავშირი და შავი ზღვის რეგიონი: თანამშრომლობის ფორმატები, ეკონომიკური და ენერგეტიკული თანმაშრომლობა, გამოწვევები და შესაძლებლობები. ფორუმი საქართველოს სტრატეგიის და განვითარების ცენტრისა და ევროპული კავშირის კვლევების ასოციაციის ორგანიზებით გაიმართა.

კონრად ადენაუერის ფონდის (KAS) მიერ მხარდაჭერილი პროექტის "მედია-დეტექტორის" ფარგლებში, ბათუმის შოთა რუსთაველის სახელმწიფო უნივერსიტეტში მედია წიგნიერების შესახებ სემინარი, ფილმის „ბრექსიტის“ ჩვენება და დისკუსია - „მედიის როლი ბრექსიტის პროცესებში“ გაიმართა. კონკურსის წესით შერჩეულმა მონაწილეებმა განიხილეს და ინფორმაცია მიიღეს ისეთ თემებზე როგორიცაა: დეზინფორმაცია, ფეიქ-ნიუსები, პროპაგანდა, მანიპულაცია.

უსაფრთხოების ექსპერტმა, ანალიტიკოსმა მარიამ თოხაძემ ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სტუდენტებისთვის საჯარო ლექცია წაიკითხა თემაზე: „გლობალური ტერორიზმის გამოწვევები და საქართველო“. მომხსენებელმა განიხილა გლობალური ტერორიზმის ფენომენი აკადემიურ-თეორიულ დონეზე და მის წინააღმდეგ ბრძოლასთან დაკავშირებული გამოწვევები დემოკრატიულ სახელმწიფოში. ექსპერტმა ყურადღება გაამახვილა საქართველოს მაგალითზე და წარმოადგინა კონტრტერორისტული ძალისხმევების გამოწვევები 2019 წელს მიღებული ეროვნული კონტრტერორისტული სტრატეგიის ჩარჩოში.