29-31 აგვისტოს უფსალის უნივერსიტეტმა (შვედეთი) უმასპინძლა სამუშაო შეხვედრას ერასმუს პლუსის ინსტიტუციური განვითარების პროექტის: „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებაში (INTEGRITY)“ ფარგლებში, რომელშიც მონაწილეობა მიიღო ბსუ-ს სამმა წარმომადგენელმა. ტრენინგის ფარგლებში ყურადღება გამახვილდა უმაღლეს საგანმანათლებლო დაწესებულებებში აკადემიური წერის სწავლებასთან დაკავშირებულ საკითხებზე, სტუდენტური სერვისების მნიშვნელობაზე, რომლებიც მათ დაეხმარება აკადემიური კეთილსინდისიერების პრინციპების დაცვით ნაშრომის მომზადებაში. ასევე დეტალურად განიხილეს უნივერსიტეტის იმ სტრუქტურული ერთეულების მუშაობის პრინციპები, რომლებიც პასუხისმგებელია აღნიშნული სერვისების მიწოდებაზე. აღნიშნულ სერვისებს სტუდენტებს პროექტში ჩართული 13 ქართული უმაღლესი საგანმანათლებლო დაწესებულება უახლოეს მომავალში შესთავაზებს, ხოლო ბათუმის შოთა რუსთაველის სახელმწიფო უნივერსიტეტში სერვისი 2018 წლის შემოდგომის სემესტრიდან ამოქმედდება.

ერასმუს პლუსის ინსტიტუციური განვითარების პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებებში (INTEGRITY)“ ფარგლებში 2018 წლის 14-17 მაისს აკაკი წერეთლის სახელმწიფო უნივერსიტეტმა ტრენერთა გადამზადების კურსსა და სამუშაო შეხვედრას უმასპინძლა. ღონისძიების მონაწილეები გაეცნენ უმაღლეს საგანმანათლებლო დაწესებულებებში აკადემიური წერის სწავლებასთან დაკავშირებულ ისეთ მნიშვნელოვან საკითხებს: თანამედროვე სწავლების მეთოდები, სწავლების პროცესში გამოყენებული ან გამოსაყენებელი აქტივობები, შეფასების სისტემა, აკადემიური კურსის მიზნები.

Erasmus+ CBHE ინსტიტუციური განვითარების 2017 წლის საგრანტო კონკურსის გამარჯვებული პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებებში (INTEGRITY)“ ფარგლებში 2018 წლის 12-16 თებერვალს ვენის უნივერსიტეტში სამუშაო შეხვედრა გაიმართა. ღონისძიებაში საქართველოს 12 უნივერსიტეტის და მათ შორის ბსუ-ს წარმომადგენლებთან ერთად, მონაწილეობდნენ პროექტის ევროპელი პარტნიორები როეჰემპტონის (ინგლისი), უფსალას (შვედეთი), ვენისა (ავსტრია) და დუბლინის (ირლანდია) უნივერსიტეტებიდან. კონსორციუმის წევრების გაეცნენ პროექტის ფინანსური და ადმინისტრაციული საკითხებს და ჩაუტარდათ ტრენინგები თემებზე: PR კამპანია, მასწავლებელთა გადამზადება, ტექნიკური სერვისები სტუდენტებისთვის, აკადემიური წერის კურიკულუმი და სწავლება, საუნივერსიტეტო პოლიტიკა პლაგიატიზმის დეტექციისთვის.

ბათუმის შოთა რუსთაველის სახელმწიფო უნივერსიტეტი ერასმუს პლუსის ინსტიტუციური განვითარების პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებებში (INTEGRITY)“ ერთ-ერთი პარტნიორია. პროექტს ილიას სახელმწიფო უნივერსიტეტი, ოთხ ევროპულ სასწავლებელთან – როეჰემპტონის (University of Reohampton, ინგლისი), უფსალას (University of Uppsala, შვედეთი), ვენისა (University of Vienna, ავსტრია) და დუბლინის (Dublin City University, ირლანდია) უნივერსიტეტებთან, თორმეტ ქართულ სასწავლებელთან, საქართველოს განათლებისა და მეცნიერების სამინისტროსა და განათლების ხარისხის განვითარების ეროვნულ ცენტრთან თანამშრომლობით ახორციელებს სტრუქტურული ღონისძიების ეროვნულ პროექტს ”Academic Integrity for Quality Teaching and Learning in Higher Education Institutions in Georgia (INTEGRITY)”. პროექტის კონსორციუმში შემავალი 12 ქართული უნივერსიტეტის წარმომადგენელთა მონაწილეობით, 2017 წლის 15 დეკემბერს ილიას სახელმწიფო უნივერსიტეტში პირველი შეხვედრა გაიმართა.