ბათუმის შოთა რუსთაველის სახელმწიფო უნივერსიტეტის მასპინძლობით, საქართველოს ტექნიკური უნივერსიტეტისა და კილის უნივერსიტეტის (დიდი ბრიტანეთი) თანამშრომლობით მიმდინარე საგრანტო პროგრამის „შემოქმედებითი ნაპერწკალი: სამეწარმეო განათლების პროგრამა უმაღლესი სასწავლებლებისთვის“ - “Creative Spark: Higher Education Enterprise Programme” ფარგლებში ჩატარდა ტრენინგი: „მეწარმეობის უნარ-ჩვევები“.
10-13 სექტემბერს, ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის სტუდენტებმა: საბა დოლიძემ, ლაშა მუკუტაძემ და თათია კახიძემ თავიანთი გამოგონებით ვალენსიაში ინოვაციური ბიზნესიდეების საერთაშორისო კონკურსში მიიღეს მონაწილეობა. კონკურსზე სტუდენტებმა წარადგინეს მრავალფუნქციური კალამი (DELTA PEN), რომელიც 7 ნივთს აერთიანებს: საწერკალამი, სენსორული კალამი, ფანქარი, კალამი ტუში, მარკერი, მეხსიერების ბარათი, მობილური ტელეფონისა და პლანშეტური კომპიუტერის სადგამი. ბსუ-ს სტუდენტების გამოგონებამ ჟიურის წევრების მაღალი შეფასება დაიმსახურა და ერთ-ერთ საუკეთესო პროექტად დასახელდა.
ბსუ-ს ინოვაციების ცენტრში „Erasmus+-ის” საგრანტო პროექტის „InnoCENS Project” (Enhancing Innovation Competence and Entrepreneurial Skills in Engineering Education - ინოვაციური კომპეტენციებისა და სამეწარმეო უნარების ამაღლება საინჟინრო განათლებაში) ფარგლებში ინოვაციური ბიზნესიდეების კონკურსი ჩატარდა. კონკურსის პირველ ეტაპზე წარმოდგენილი 23 პროექტიდან საუკეთესოდ 12 დასახელდა. მეორე ეტაპზე გამარჯვებული პროექტები კომისიამ შეაფასა. კონკურსის მონაწილე გუნდებს გადაეცათ სერტიფიკატები, ხოლო გამარჯვებულ გუნდს საკონკურსო კომისიასთან ერთად „Erasmus+-ის” საგრანტო პროექტის - „InnoCENS Project” საბჭო (ესპანეთი, შვედეთი) გამოავლენს. საუკეთესო ერთი პროექტი მონაწილეობას მიიღებს ესპანეთში, ვალენსიის პოლიტექნიკურ უნივერსიტეტში დაგეგმილ ინოვაციური ბიზნესიდეების საერთაშორისო კონკურსში.
18-19 თებერვალს პროფესორმა გიზო ფარცხალაძემ, ასოცირებულმა პროფესორმა გოჩა ჩავლეშვილმა და სტრატეგიული განვითარებისა და საერთაშორისო ურთიერთობათა დეპარტამენტის სპეციალისტმა ხათუნა ხაბაძემ „Erasmus+“-ის„InnoCENS Project“ (Enhacing Innovation Competences and Entrepreneurial Skillsin Engineering Education – „ინოვაციური კომპეტენციებისა და სამეწარმეო უნარების ამაღლება საინჟინრო განათლებაში“) საგრანტო პროექტის ფარგლებში მონაწილეობა მიიღეს თბილისში, საქართველოს ტექნიკურ უნივერსიტეტში გამართულ შეხვედრაში. პროექტის მონაწილეებმა ღონისძიების ფარგლებში განიხილეს ისეთი საკითხები, როგორიცაა: INNOCENS და HERITAG პროექტების რეალიზაცია, ინოვაციური პედაგოგიკისა და კომპეტენციების შეფასება, ინოვაციებისა და ბიზნესის კონკურსი, ინოვაციების ცენტრის განვითარება.
ბათუმის შოთა რუსთაველს სახელმწიფო უნივერსიტეტის ინოვაციების ცენტრში სამეწარმეო დღე ჩატარდა. შეხვედრაზე სტუდენტებმა, ERASMUS+-ის საგრანტო პროგრამის Innocens-ის მონაწილეებმა და სხვადასხვა კომპანიის წარმომადგენლებმა განიხილეს პროექტის ეგიდით დაგეგმილი ღონისძიებები, სამომავლო გეგმები, მეწარმეობისა და ინოვაციების თანამედროვე საკითხები. სამეწარმეო დღის მონაწილეები გაეცნენ სტარტაპის პრაქტიკულ მაგალითებს, ინოვაციების შეფასების თანამედროვე სისტემებს, კომპანიების შექმნისა და საავტორო უფლებების იურიდიული საკითხებს. კომპანიების წარმომადგენლებმა სტუდენტებს წარუდგინეს ასევე სამეწარმეო საქმიანობის წარმატებული მაგალითები.
