ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტს „KIDs CLUB TV/ტვ კლუბი“ ეწვია. ვიზიტის ფარგლებში მოზარდებმა იმოგზაურეს ადამიანის სხეულში, გაიგეს ცალკეული ორგანოს აგებულება და მათი ფუნქცია, მოინახულეს სამედიცინო განათლების და მედიკოსთა პროფესიული განვითარების ცენტრი, მოზარდებს მიეცათ შესაძლებლობა ენახათ სხვადასხვა სამედიცინო მანიპულაციები. ვიზიტის დასასრულს კი პრაქტიკულად შეეცადნენ მიღებული ცოდნის გამოყენებას.
ბათუმის შოთა რუსთაველის სახელმწიფო უნივერსიტეტის ისტორიის, არქეოლოგიისა და ეთნოლოგიის დეპარტამენტის ხელმძღვანელმა, პროფესორმა ჯემალ კარალიძემ 25 მარტს, რელიგიის მუზეუმში ჩაატარა საჯარო ლექცია თემაზე: „საქართველოს ეკლესიის ავტოკეფალიის აღდგენა“. ლექციას ესწრებოდნენ: ბათუმის წმ. ანდრია პირველწოდებულის სახელობის სკოლის მე-11 კლასის მოსწავლეები - პედაგოგი ზვიად ჩხენკელი, ახალშენის N2 საჯარო სკოლის მე-9 კლასის მოსწავლეები - პედაგოგი მაყვალა ანანიძე, ვეტერან ქალთა კავშირის - „ღიმილის ქალბატონების” წევრები.
21 მარტს, ბათუმის სახელმწიფო უნივერსიტეტში მაჭახელას ეროვნული პარკის ადმინისტრაციისა და ბათუმის შოთა რუსთაველის სახელმწიფო უნივერსიტეტის გეოგრაფიის დეპარტამენტის თანამშრომლობით აღინიშნა ტყის საერთაშორიოს დღე. მაჭახელას ეროვნული პარკის ადმინისტრაციის წარმომადგენლების მიერ გაიმართა შემეცნებითი ღონისძიება მოსწავლეებისათვის, სადაც მონაწილეობას ღებულობდნენ ქ. ბათუმის მე-16 საჯარო სკოლის მე-5 კლასის მოსწავლეები და პედაგოგები, ასევე გეოგრაფიის ფაკულტეტის სტუდენტებისთვის ჩატარდა ლექცია საქართველოს დაცული ტერიტორიების მნიშვნელობისა და მაჭახელას ეროვნული პარკის ბიომრავალფეროვნების შესახებ. ლექციის შემდეგ კი გააკეთეს პრაქტიკული სავარჯიშოები საქართველოს ეროვნული პარკების თემატიკით.
საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ასოცირებულმა პროფესორმა გუგული დუმბაძემ, მესამე მისიის ფარგლებში აჭარის საჯარო სკოლის 40 მოსწავლესთან ჩაატარა სამუშაო შეხვედრა თემაზე: პლასტმასით დაბინძურების მიზეზები, გამოწვევები და შემცირების გზები. შეხვედრაში მონაწილეობდა ქალაქ ბათუმის მე-20-ე, ქედის პირველი მაისის, ხელვაჩაურის მუნიციპალიტეტის სოფელ ჭარნალისა და ერგეს, ქობულეთის მუნიციპალიტეტის ჩაქვის #1, წმ. ანდრია პირველწოდებულის სასულიერო გიმნაზიისა და ქართულ-ამერიკული საერთაშორისო სკოლა „პროგრესის“ მოსწავლეები.
სასკოლო სემინარი ჩოხატაურის №1 საჯარო სკოლაში
მიმდინარე წლის 18 თებერვალს, ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა, ირაკლი მიქელაძემ მესამე მისიის ფარგლებში სასკოლო სემინარი ჩაატარა - ნიკო მარის სახელობის დაბა ჩოხატაურის №1 საჯარო სკოლაში. ირაკლი მიქელაძემ წარადგინა პრეზენტაცია თემაზე: „უცხო წარმოშობის ინვაზიური და სარეველა მცენარეები ფიტოცენოზებსა და აგროლანდშაფტებში, არსებული გამოწვევები და პრევენციის გზები“. მომხსენებელმა შეხვედრის მონაწილეებს გააცნო მცენარეთა ინვაზიის თავისებურებანი და ის ეკოლოგიური, ეკონომიკური და ადამიანის ჯანმრთელობის გამომწვევი პრობლემები, რაც ინვაზიური სახეობის ძირითადი განმსაზღვრელი კრიტერიუმებია. გარდა ამისა მკვლევარმა
