ბსუ-ს ჰუმანიტარულ მეცნიერებათა ფაკულტეტმა ზედა თხილნარის საჯარო სკოლის მეათე კლასის მოსწავლეებს უმასპინძლა. ქართული ფილოლოგიის დეპარტამენტის პროფესორმა შორენა მახაჭაძემ მოსწავლეებისათვის საჯარო ლექცია წაიკითხა თემაზე: „ვეფხისტყაოსანი“ 21-ე საუკუნის საქართველოში“. ახალგაზრდებმა ასევე მონაწილეობა მიიღეს ხელნაწერი „ვეფხისტყაოსნის“ შექმნის პროცესში. ვიზიტის ფარგლებში მოსწავლეები გაეცნენ უნივერსიტეტის მატერიალურ-ტექნიკურ ბაზას, კაბინეტ-ლაბორატორიებს, ბიბლიოთეკას და ქართველოლოგიის ცენტრს. ცენტრის ხელმძღვანელი, პროფესორი მამია ფაღავა ახალგაზრდებს ცენტრის დაარსებისა და საქმიანობის ისტორიასა და სამხრეთ-დასავლეთ საქართველოს კვლევის პრობლემებზე ესაუბრა.

„ერაზმუს+“-ის გაცვლითი პროგრამის აკადემიური მობილობის ფარგლებში, ბათუმის შოთა რუსთაველის სახელმწიფო უნივერსიტეტის ასოცირებული პროფესორი ხათუნა დიასამიძე შჩეცინის უნივერსიტეტის ისტორიის ინსტიტუტში იმყოფებოდა. ასოცირებული პროფესორი ხათუნა დიასამიძე დაესწრო პროფესორ შუდარეკის სალექციო შეხვედრებს და ჩაატარა ლექციები ისტორიის საგანმანათლებლო პროგრამის მეორე კურსის სტუდენტებისათვის თემებზე: „მეორე მსოფლიო ომის გაჩაღების საკითხი ქართულ ისტორიოგრაფიაში“ და „პოლონელთა როლი საქართველოს დამოუკიდებლობისათვის ბრძოლაში (1918-1921).