ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტზე ევროპეისტიკის დეპარტამენტის პროფესორის ირინა გოშხეთელიანისა და ქართული ფილოლოგიის დეპარტამენტის ასოცირებული პროფესორის ლევან ხალვაშის 70 წლის იუბილესადმი მიძღვნილი შეხვედრა გაიმართა. შეხვედრა გახსნა ჰუმანიტარულ მეცნიერებათა ფაკულტეტის დეკანმა ასოცირებულმა პროფესორმა თეონა ბერიძემ, რომელმაც ხაზი გაუსვა მათ დამსახურებას უნივერსიტეტის წინაშე და მიულოცა საიუბილეო თარიღი.