ბათუმის შოთა რუსთაველის სახელმწიფო უნივერსიეტეტს ევროპის ტერმინოლოგიური საზოგადოების (EAFT) პრეზიდენტი, პროფესორი ჰენრიკ ნილსონი ეწვია. ჰუმანიტარულ მეცნიერებათა ფაკულტეტის დეკანთან, ასოცირებულ პროფესორ თეონა ბერიძესთან, ბსუ-ს შიდა სამეცნიერო გრანტის „ევროპარლამენტის TermCoord-ისა და ბსუ-ს corpus.bsu.edu.ge-ს ტერმინოლოგიური კოორდინაცია“ სამუშაო ჯგუფების წევრებთან გამართულ შეხვედრაზე პროფესორმა ჰენრიკ ნილსონმა სამომავლო თანამშრომლობის მიმართულებებზე ისაუბრა. შეხვედრის დასრულების შემდეგ პროფესორმა ნილსონმა საჯარო ლექცია წაიკითხა თემაზე: „ევროპული ტერმინოლოგიის ტენდენციები“.

10-15 ივნისს, „ერაზმუს+“-ის პროექტის ფარგლებში, გერმანის ფედერალური რესპუბლიკის ქალაქ მიუნსტერში მიწვეული იყვნენ ბსუ-ს ჰუნანიტარულ მეცნიერებათა ფაკულტეტის დეკანი, ასოცირებული პროფესორი თეონა ბერიძე და ასოცირებული პროფესორი ნელი ახვლედიანი. მიუნსტერის უნივერსიტეტის გერმანისტიკის ინსტიტუტის პროფესორებთან და ადმინისტრაციის წარმომადგენლებთან გამართულ შეხვედრაზე ბსუ-ს პროფესორები გაეცნენ სასწავლო პროცესის მართვის სპეციფიკასა და დიგიტალიზების პერსპექტივებს. შეხვედრის მონაწილეებმა ასევე განიხილეს პროგრამის ხარისხის მდგრადობის უზრუნველყოფის საკითხები და გერმანისტთა ერთობლივი საერთაშორისო კონფერენციის საორგანიზაციო საკითხები, რომელიც 2024 წლის 1-2 ოქტომბერს გაიმართება მიუნსტერის უნივერსიტეტში ჰიბრიდულ ფორმატში.

ჟურნალისტიკის მიმართულების გაძლიერებისა და მომავალი ჟურნალისტების პროფესიული უნარების განვითარებისათვის მნიშვნელოვანია შესაბამის პროფესიულ ორგანიზაციებთან თანამშრომლობა. „ჟურნალისტიკის“ საბაკალავრო და „ციფრული მედიისა და ინოვაციების“ სამაგისტრო პროგრამის სტუდენტებთან სამუშაო შეხვედრა გამართეს საქართველოს ჟურნალისტური ეთიკის ქარტიის აღმასრულებელმა დირექტორმა ლია ჩახუნაშვილმა და პროექტის კოორდინატორმა მარიამ დევიძემ. ქარტიის მისიაა, პროფესიული და ეთიკური სტანდარტის დაცვისა და თვითრეგულირების მექანიზმების შექმნის გზით, მედიის საზოგადოებრივი პასუხისმგებლობის ამაღლება.

მალხაზ ბალაძე სამოცი წლისაა და ამ სამოციდან თითქმის ოთხი ათეული წელი იგი ბათუმის შოთა რუსთაველის სახელმწიფო უნივერსიტეტშია. მისი კვალიფიციური და ნაყოფიერი გარჯა ჩვენი უმაღლესი სასწავლებლის ისტორიის ერთ-ერთი ღირსეული ფურცელია.

ბათუმის შოთა რუსთაველის სახელმწიფო უნივერსიტეტში გერმანული ენის დღე გაიმართა. ღონისძიება გახსნეს და მონაწილეებს მიესალმნენ გერმანიის ელჩის მოადგილე საქართველიში ტანია ჰუტი, ავსტრიის ელჩი საქართველოში თომას მიულმანი და ბსუ-ს რექტორის მოადგილე თამარ სირაძე. ღონისძიების ფარგლებში ჩატარდა გაცვლითი პროგრამების წარდგენა და შეხვედრა გერმანული ენის მასწავლებლებთან, აბიტურიენტებთან, მოსწავლეებთან და მშობლებთან. გერმანიაში სწავლის მსურველებს DAAD-ის თბილისი რეგიონული ოფისის უფროსმა გებჰარდ როილმა სასტიპენდიო პროგრამები გააცნო. ასევე მოეწყო გამოფენა ავსტრიელი მწერლის, ინგებორ ბახმანის შესახებ, რომელმაც მსოფლიო ომი გამოიარა.