ბათუმის შოთა რუსთველის სახელმწიფო უნივერსიტეტში სამეცნიერო კონფერენცია „მუჯაჯირობიდან მუჰაჯირობამდე“ გაიმართა. სესიაზე ბსუ-ს პროფესორ-მასწავლებლებმა და აჭარაში მცხოვრებმა აფხაზებმა სამეცნიერო მოხსენებები წარმოადგინეს აფხაზთა მუჰაჯირობის საკითხებზე. სამეცნიერო კონფერენცია შოთა რუსთაველის ეროვნული სამეცნიერო ფონის საგრანტო პროექტის „მუჰაჯირობიდან მუჰაჯირობამდე (აჭარაში დასახლებულ აფხაზთა მუჰაჯირობა მე-19 საუკუნის ბოლოს და მე-20 საუკუნის დასაწყისში და მუჰაჯირთა შთამომავლებთან აჭარაში მცხოვრები აფხაზების ურთიერთობის 21-ე საუკუნის რეალობა)“ ფარგლებში გაიმართა.

ბსუ-ს ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის პროფესორებმა ჯემალ კარალიძემ და ოთარ გოგოლიშვილმა ბათუმის ელიტარულ სკოლა „გორდაში” საჯარო ლექცია ჩაატარეს თემაზე: „1921 წლის 25 თებერვალი - საბჭოთა ოკუპაციის დღე”. მომხსენებლებმა განიხილეს საქართველოს XX საუკუნის ისტორიის ამ ტრაგიკული მოვლენის მიზეზები, წინაპირობები, საბჭოთა რუსეთის ზრახვები, იმჟამინდელი საქართველოს დემოკრატიული რესპუბლიკის მთავრობის ნაბიჯები, სამშობლოს დამცველთა, განსაკუთრებით იუნკერთა თავგანწირული ბრძოლის ეპიზოდები. პროფესორებმა ჯემალ კარალიძემ და ოთარ გოგოლიშვოლმა ასევე შეაფასეს ამ მივლენის და საერთოდ ქართული სახელმწიფოებრიობისათვის ბრძოლის ისტორიის სწავლების მნიშვნელობა, განსაკუთრებით მომავალი თაობების ეროვნული ცნობიერების ფორმირების თვალსაზრისით. ლექციის დასრულების შემდეგ მომხსენებლებმა მოსწავლეების აქტუალურ შეკითხვებს უპასუხეს.

ბსუ-ს ჰუმანიტარულ მეცნიერებათა ფაკულტეტის დეკანმა, ასოცირებულმა პროფესორმა თეონა ბერიძემ და ქართული ფილოლოგიის დეპარტამენტის ხელმძღვანელმა, პროფესორმა მაია ბარამიძემ მონაწილეობა მიიღეს სახელმწიფო ენის დეპარტამენტის 2021-2030 წლების სახელმწიფო ენის ერთიანი პროგრამის (სტრატეგიის) 2023-2024 წლების სამოქმედო გეგმის ფარგლებში, 14-16 თებერვალს გამართულ ტრენინგებში. პროფესორმა თინათინ ბოლქვაძემ უმაღლეს საგანმანათლებლო დაწესებულებებისა და საჯარო სამსახურების წარმომადგენლებს სიახლეები გააცნო და ქართული სალიტერატურო ენის ახალი და განახლებული ნორმები წარუდგინა.

ბათუმის შოთა რუსთაველის სახელმწიფო უნივერსიტეტის თარგმანისა და ინტერდისციპლინური კვლევების ცენტრის სამეცნიერო კომისიაში მონაწილეობით, ბათუმის შოთა რუსთაველის სახელმწიფო უნივერსიტეტი 2024 წლის 23-25 სექტემბერს უმასპინძლებს რიგით მე-7 საერთაშორისო კონფერენციას თარგმანი გარდამავალ პარადიგმაში 7 (ინგლისურ ენაზე: Translation in Transition 2024, Seventh edition); საერთაშორისო კონფერენციების სერია დამკვიდრებულია ემპირიული მთარგმნელობითი კვლევების სფეროში მკვლევართა ცენტრალური შეხვედრის ადგილად; კონფერენციას ორგანიზებას გაუწევს ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი, თარგმანისა და ინტერდისციპლინური კვლევების ცენტრი და სტრატეგიული განვითარებისა და საგარეო ურთიერთობათა დეპარტამენტი.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის საერთაშორისო სამეცნიერო ელექტრონულ ჟურნალ „აღმოსავლეთმცოდნეობის მაცნეს“ (E-ISSN 2720-8168; ISSN 2587-490X) საერთაშორისო სამეცნიერო ინდე-ქსირების (ISI)/International Scientific Indexing ბაზაში მიენიჭა იმპაქტ ფაქტორის - 1.668 კოეფიციენტი (2023-2024). საერთაშორისო სამეცნიერო ჟურნალი აღმოსავლეთმცოდნეობის მაცნე დაარსდა 2018 წელს ბსუ-ს ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტის ბაზაზე.