საქართველოს განათლებისა და მეცნიერების სამინისტროს სტატისტიკის მიხედვით, ბათუმის შოთა რუსთაველის სახელმწიფო უნივერსიტეტი ხუთ ყველაზე მოთხოვნად უმაღლეს სასწავლებელს შორისაა... »»»

საჯარო სამართლის იურიდიული პირის - ბათუმის შოთა რუსთაველის სახელმწიფო უნივერსიტეტის“აკადემიური პერსონალის სამსახურში მიღებისა და კონკურსის ჩატარების ერთიანის წესის შესახებ“ წარმომადგენლობითი საბჭოს 2012 წლის 25 დეკემბრის №03 გადაწყვეტილებაში ცვლილებებისა და დამატებების შეტანის თაობაზე...»»»

საჯარო სამართლის იურიდიული პირის - ბათუმის შოთა რუსთაველის სახელმწიფო უნივერსიტეტის აკადემიური პერსონალის სამსახურში მიღებისა და კონკურსის ჩატარების ერთიანი წესი...»»»

საქართველოს კათოლიკოს-პატრიარქის, უწმიდესისა და უნეტარესის ილია II-ის კურთხევით თბილისში, მახათას მთაზე, შენდება ივერიის ღვთისმშობლის ხატის ტაძარი და სავანე. უნივერსიტეტის თანამშრომლებს ეძლევათ აქციაში მონაწილეობის საშუალება... »»»

სტუდენტთა საინიციატივო ჯგუფის ორგანიზებით, სტუდენტური თვიმმრთველობისა და სტუდენტთა სამეცნიერო ცენტრის მხარდაჭერით ბათუმის შოთა რუსთაველის სახელმწიფო უნივერსიტეტში კონფერენცია გაიმართა თემაზე: „რუსეთ-საქართველოს ურთიერთობების ისტორია და თანამედროვეობა“. სესიაზე მოხსენებები იყო წარმოდგენილი ისეთ საკითხებზე, როგორიცაა: რუსეთ-საქართველოს გეოპოლიტიკური ინტერესები ჩრდილოეთ კავკასიაში და საერთაშორისო ურთიერთობები XVIII-XIX საუკუნეების მიჯნაზე. კონფერენციის ფარგლებში დისკუსია გაიმართა, რომელშიც სტუდენტებთან და პროფესორ-მასწავლებლებთან ერთად, უმაღლესი საბჭოს წევრი აკაკი ძნელაძე, საქართველოს ყოფილი ელჩი საბერძნეთში ირაკლი თავართქილაძე და საზოგადოების წარმომადგენლები მონაწილეობდნენ.

ცნობილი ქართველი ფილოსოფოსის, აკადემიკოს კონსტანტინე ბაქრაძის სახელი მიენიჭა ბათუმის შოთა რუსთაველის სახელმწიფო უნივერსიტეტის 32-ე აუდიტორიას. სამეცნიერო კონფერენციაზე „კონსტანტინე ბაქრაძე და ბათუმის შოთა რუსთაველის სახელმწიფო უნივერსიტეტი“ რექტორმა, პროფესორმა ალიოშა ბაკურიძემ და პროფესორ-მასწავლებლებმა ქართული ფილოსოფიური აზროვნების დიდი წარმომადგენლის ცხოვრებაზე, მოღვაწეობასა და უმაღლეს საგანმანათლებლო დაწესებულების განვითარებაში შეტანილ წვლილზე ისაუბრეს. აკადემიკოსი კონსტანტინე ბაქრაძე 1935 წელს ბსუ-ს ახლადდაარსებულ სოციალურ-პოლიტიკურ მეცნიერებათა კათედრას სათავეში ჩაუდგა, სადაც ხუთი წლის განმავლობაში მუშაობდა. აკადემიკოსს ბათუმთან კავშირი არასოდეს გაუწყვეტია, სისტემატიურად ჩამოდიოდა, კონსულტაციებს უწევდა პროფესორ-მასწავლებლებს და ეხმარებოდა კვალიფიკაციის ამაღლებაში.... »»»

საინფორმაციო ცენტრის ნატოსა და ევროკავშირის შესახებ ხელმძღვანელმა ელენე გოცაძემ და მოადგილემ გიორგი კეპულაძემ ბათუმის შოთა რუსთაველის სახელმწიფო უნივერსიტეტის სტუდენტებისათვის სემინარი ჩაატარეს. საქართველოს, ნატოსა და ევროკავშირის ურთიერთობები და ევროატლანტიკურ სტრუქტურებში ინტეგრაციის საკითხები განიხილეს. ასევე ისაუბრეს სამომავლო გეგმებსა და სამეზობლო პოლიტიკით გათვალისწინებულ ვალდებულებებზე. შეხვედრა კითხვა-პასუხის რეჟიმში წარიმართა და ცენტრის წარმომადგენლებმა ახალგაზრდების აქტუალურ შეკითხვებს უპასუხეს.

საქართველოს ახალგაზრდული პარლამენტის იურიდიული კომიტეტის ორგანიზებით ბათუმის შოთა რუსთაველის სახელმწიფო უნივერსიტეტში დისკუსია გაიმართა თემაზე: „სტუდენტთა სტაჟირება და დასაქმება - სოციალური გამოწვევა“. სოციალურ, ბიზნესისა და სამართალმცოდნეობის ფაკულტეტის სტუდენტები აჭარის დასაქმების სააგენტოს, აჭარის სპორტისა და ახალგაზრდულ საქმეთა დეპარტამენტისა და არასამთავრობო ორგანიზაციების წარმომადგენლებთან ერთად აქტუალურ საკითხზე რამდენიმე საათის განმავლობაში მსჯელობდნენ. დისკუსიაზე წარმოდგენილი დასკვნები და მოსაზრებები საქართველოს ახალგაზრდული პარლამენტის იურიდიული კომიტეტის კანონ-პროექტში აისახება, რომელიც განსახილველად საქართველოს პარლამენტს გადაეცემა.

ბათუმის შოთა რუსთაველის სახელმწიფო უნივერსიტეტში მწერლისა და საზოგადო მოღვაწის, მედიკოსის, პუბლიცისტის, მედიცინის მეცნიერებათა დოქტორის, პროფესორ რამაზ სურმანიძის დაბადებიდან 80 წლისადმი მიძღვნილი საიუბილეო საღამო გაიმართა. ცნობილ მკვლევრს იუბილე მიულოცეს, დიპლომები და სამახსოვრო საჩუქრები გადასცეს უნივერსიტეტის რექტორმა, პროფესორმა ალიოშა ბაკურიძემ, აჭარის ა.რ. განათლების, კულტურისა და სპორტის მინისტრმა გიორგი თავამაიშვილმა, აჭარის ა.რ. შრომის, ჯანმრთელობისა და სოციალური დაცვის მინისტრმა ნუგზარ სურმანიძემ, მთავრობის წევრებმა, აჭარის მწერალთა კავშირის თავმჯდომარემ დავით თედორაძემ, საზოგადოება „ჭვანელის“ ერთ-ერთმა დამფუძნებელმა აკაკი ზოიძემ, ბსუ-ს ემერიტუსებმა, პროფესორ-მასწავლებლებმა, მწერლებმა და საზოგადოების წარმომადგენლებმა. ... »»»

თამარ მეფის ხსენების დღეს მიეძღვნა “ ბათუმის შოთა რუსთაველის სახელმწიფო უნივერსიტეტში გამართული შემოქმედებითი საღამო „თამარობა 800“. განათლებისა და მეცნიერებათა ფაკულტეტის ისტორიისა და თურქეთისმცოდნეობის სპეციალობის მეორე კურსის სტუდენტებმა თეატრალური წარმოდგენით კიდევ ერთხელ გაიხსენეს თამარ დედოფლის ცხოვრება, მოღვაწეობა და საქართველოს ისტორიის უმნიშვნელოვანესი პერიოდი. უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის ლოცვა-კურთხევით 2013 წელი თამარ მეფის წლად გამოცხადდა.

შოთა რუსთაველის დარბაზში პროფესორ თინა შიოშვილის წიგნის „იესო ქრისტე ქართულ ფოკლორში“ წარდგინება გაიმართა. მონოგრაფია ეძღვნება მაცხოვრის ვერბალური ხატის შესწავლას ქართულ ფოლკლორულ შემოქმედებაში. წიგნში გაანალიზებულია მაცხოვრის შობის, სოფლიური მოღვაწეობის, ჯვარცმისა და აღდგომის ციკლის სასულიერო-რელიგიური ზეპირსიტყვიერების ნიმუშები. ნაშრომი განკუთვნილია ჰუმანიტარული დარგის სპეციალისტებისათვის, სტუდენტებისათვის, რელიგიისა და კულტურის ისტორიით დაინტერესებული მკითხველისათვის.

ართვინის ჭოროხის უნივერსიტეტის რექტორი მეჰმედ დუმანი პრორექტორთან და საგარეო ურთიერთობათა დეპარტამენტის ხელმძღვანელთან ერთად ბათუმის შოთა რუსთაველის სახელმწიფო უნივერსიტეტს ეწვია. უნივერსიტეტის რექტორთან, პროფესორ ალიოშა ბაკურიძესთან და ფაკულტეტების დეკანებთან გამართულ შეხვედრაზე ხელი მოეწერა ხელშეკრულებას, რომელიც ითვალისწინებს პარტნიორი უმაღლესი საგანმანათლებლო დაწესებულებების „Mevlana“-ს გაცვლით პროგრამაში მონაწილეობას. საერთაშორისო გაცვლით პროგრამას თურქეთის უმაღლესი განათლების აღმასრულებელი საბჭო აფინანსებს და მიზნად ისახავს სტუდენტებისა და აკადემიური პერსონალის გაცვლას თურქეთისა და უცხოეთის სხვა უმაღლეს სასწავლო-საგანმანათლებლო დაწესებულებებში.

საქართველოს ნოტარიუსთა პალატის გამგეობის წევრმა ხათუნა კალანდარიშვილმა ბათუმის შოთა რუსთაველის სახელმწიფო უნივერსიტეტის სოციალურ მეცნიერებათა, ბიზნესისა და სამართალმცოდნეობის ფაკულტეტის სტუდენტებს ნოტარიუსობის მსურველთა სტაჟირების კონკურსის პირობები, საკვალიფიკაციო გამოცდისა და ნოტარიუსად დანიშვნის კრიტერიუმები გააცნო. სტაჟირების კონკურსს ნოტარიუსთა პალატის სასწავლო ცენტრი ატარებს და მასში მონაწილეობის მიღება ყველა მსურველს შეუძლია. წარდგინების დასასრულს ხათუნა კალანდარიშვილმა მომავალ სამათალდამცავებისათვის საჯარო ლექცია წაიკითხა თემაზე: „როგორ გავხდე ნოტარიუსი?“.

ბათუმის შოთა რუსთაველის სახელმწიფო უნივერსიტეტი სტუდენტური დღეები „აჭარა 2013“-ის გამარჯვებულია. კომპეტენტურმა ჟიურიმ 6 მაისის პარკში გამართულ დასკვნით კონცერტზე ხუთ ნომინაციას შორის პირველობა ბსუ-ს სტუდენტებს მიაკუთვნა. ახალგაზრდებმა სპორტულ ღონისძიებებს შორის წარმატებას მიაღწიეს ფეხბურთსა და ქუჩის კალათბურთში. თანამედროვე ცეკვების ჯგუფმა ,,M style 13”-მა ცეკვა „აფრიკულის“ შესრულებით საუკეთესო ორიგინალური ნომრის ნომინაციაში გაიმარჯვა და განათლებისა და მეცნიერებათა ფაკულტეტის სტუდენტმა თამთა მამულაძემ „მის-უნივერსიტეტის“ ტიტული მოიპოვა. სტუდენტური დღეები „აჭარა 2013“-ში ბათუმის შოთა რუსთაველის სახელმწიფო უნივერსიტეტის, ბათუმის ხელოვნების სასწავლო უნივერსიტეტის, ბათუმის სახელმწიფო საზღვაო აკადემიისა და ბათუმის ნავიგაციის სასწავლო უნივერსიტეტის 150-მდე სტუდენტი მონაწილეობდა.