ბიბლიოთეკაში შემოვიდა პროფესორ ხათუნა ბერიძის სახელმძღვანელო „თარგმანმცოდნეობა“. სახელმძღვანელოში წარმოდგენილია თარგმანის თანამედროვე თეორიები და მთარგმნელობითი სტრატეგიები კულტურათმცოდნეობის, კორპუსლინგვისტიკის, პრაგმატიკის, სოციოლინგვისტიკის, სტილისტიკის, ენობრივი პოლიტიკისა და იდეოლოგიის თეორიებზე დაყრდნობით. სახელმძღვანელო ჩართულია ბსუ-ს ბიბლიოთეკის ფონდში და ელოდება მკითხველს.

ბიბლიოთეკაში შემოვიდა პროფესორ ირმა ბაგრატიონის წიგნი „კონსტანტინე კაპანელის ფილოსოფია“ მესამე შესწორებული გამოცემა. მონოგრაფიულ ნაშრომში განხილულია მეოცე საუკუნის ქართველი ფილოსოფოსის კონსტანტინე კაპანელის ფილოსოფიურ-მსოფმხედველობრივი კონცეფცია. ნაშრომი გათვალისწინებულია მკითხველთა ფართო წრისათვის.

პროფესორმა ზაზა ბურკაძემ გამოსცა ახალი სახელმძღვანელო „ევროპის პოლიტიკური ისტორია 1918-1939 წლებში“. სახელმძღვანელო განკუთვნილია საერთაშორისო ურთიერთობების, ევროპისცოდნეობის და ისტორიის სპეციალობის სტუდენტებისათვის.

პროფესორმა ნინო დვალიძემ გამოსცა ახალი სახელმძღვანელო „A COURSE-BOOK IN TEXT LINGUISTICS“. იგი განკუთვნილია ინგლისური ფილოლოგიის სპეციალობის მაგისტრანტებისა და დოქტორანტებისათვის. წიგნი ჩართულია ბსუ-ს ბიბლიოთეკის ფონდში და ელოდება მკითხველს.