ილია ჭავჭავაძის სახელობის სახელმწიფო დარამატულ თეატრში ბსუ-ს პედგოგის, მუსიკოს გიული კუბლაშვილის საავტორო მუსიკალური საღამო გაიმართა. ბათუმის შოთა რუსთველის სახელმწიფო უნივერსიტეტის სტუდენტებმა და სხვადასხვა თაობის მომღერლებმა მუსიკალურ საღამოზე ავტორის სააესტრადო სიმღერები შეასრულეს. კონცერტზე გიული კუბლაშვილს წარმატებული შემოქმედებითი პედაგოგიური მოღვაწეობისათვის ბათუმის შოთა რუსთაველის სახელმწიფო უნივერსიტეტის მადლობის სიგელი გადაეცა.

ბათუმის შოთა რუსთაველის სახელმწიფო უნივერსიტეტში სტუდენტური თეატრის სპექტაკლის „ამიკო" პრემიერა გაიმართა. სპექტაკლი ცნობილი დრამატურგის ოთარ ბაღათურიას პიესის მიხედვით რეჟისორმა გიორგი ფირცხალაიშვილმა დადგა. კომედიური ჟანრის ერთმოქმედებიან სპექტაკლში ბსუ-ს სხვადასხვა სპეციალობის სტუდენტები: გიორგი ბოლქვაძე, მელანია ჩხაიძე, მარსი ნემსაძე, ტარიელ კიკვაძე, ბაჩი ფარტენაძე, თორნიკე პაიჭაძე, ლიზა ტაკიძე და ვიკა მჟავანაძე მონაწილეობდნენ. წარმოდგენის მხატვრობა - ანი არძენაძეს, ხოლო მუსიკალური გაფორმება ტარიელ კიკვაძეს ეკუთვნის.

ბათუმის შოთა რუსთაველის სახელმწიფო უნივერსიტეტის „სტუდენტთა სამეცნიერო კონფერენცია - 2023-ის“ მონაწილეთა დაჯილდოება გაიმართა. უნივერსიტეტის რექტორმა მერაბ ხალვაშმა, ადმინისტრაციის ხელმძღვანელმა მერაბ დიასამიძემ, რექტორის მოადგილეებმა თამარ სირაძემ და ანზორ ბერიძემ, ხარისხის უზრუნველყოფის სამსახურის უფროსმა ვლადიმერ ღლონტმა და ფაკულტეტების დეკანებმა კონფერენციის მონაწილეებს გამარჯვება მიულოცეს და სერტიფიკატები გადასცეს. სტუდენტური კონფერენციის 30 სექციის 90 მონაწილე საპრიზო ადგილის მფლობელი გახდა. ახალგაზრდა მკვლევართა ნაშრომები უნივერსიტეტის პროფესორ-მასწავლებლებმა შეაფასეს. კონფერენციის ფარგლებში გამოიცემა კრებული, რომელშიც თითოეული სექციის სამი საუკეთესო სამეცნიერო მოხსენება დაიბეჭდება, ასევე ფულადი ჯილდო გადაეცემა საპრიზო ადგილზე გასულ ყველა სტუდენტს.

ბათუმის შოთა რუსთველის სახელმწიფო უნივერსიტეტის ინტელექტუალური თამაშის „რა? სად? როდის?“ ღია ჩემპიონატის საგაზაფხულო სეზონი დასრულდა. პირველობაში სტუდენტების 36 გუნდი და სკოლის მოსწავლეების 6 გუნდი მონაწილეობდა. ჩემპიონატის პირველ ადგილზე გავიდა გუნდი „უცხო გავლენის აგენტები“, მეორე ადგილზე - „უქიმერიონი“ და მესამე ადგილზე - „კაიზერი“. 10 საუკეთესო გუნდს გადაეცა სიგელები და სამახსოვრო საჩუქრები, გამარჯვებული გუნდებისა და ჟიურის წევრებისთვის ასევე დაგეგმილია ექსკურსია.

ბათუმის შოთა რუსთაველის სახელმწიფო უნივერსიტეტში სტუდენტთა საუნივერსიტეტო სამეცნიერო კონფერენცია - 2023 გაიხსნა. ბსუ-ს სხვადასხვა ფაკულტეტის 350-ზე მეტი სტუდენტი სამეცნიერო მოხსენებებს ოცდაათი სექციის მიმართულებით წარმოადგენს. ახალგაზრდა მკვლევართა ნაშრომებს უნივერსიტეტის პროფესორ-მასწავლებლები შეაფასებენ და სექციის საპრიზო ადგილზე გასული მოხსენებების ავტორებს ფულად ჯილდოს გადასცემენ. კონფერენციის ფარგლებში გამოიცემა კრებული, რომელშიც თითოეული სექციის სამი საუკეთესო სამეცნიერო მოხსენება დაიბეჭდება. სამეცნიერო სესიის მიზანია, ხელი შეუწყოს ახალგაზრდების სამეცნიერო საქმიანობაში ჩართვას, მეცნიერული უნარ-ჩვევების ჩამოყალიბებასა და განვითარებას.