10-16 ოქტომბერს, Erasmus+ KA171 ICM Program for Academic Staff Mobility პროექტის ფარგლებში, ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის დეკანი, ასოცირებული პროფესორი ნარგიზ ფალავანდიშვილი და ასოცირებული პროფესორი ეკატერინე ბახტაძე იმყოფებოდნენ პოლონეთის, პოზნანის ფიზიკური განათლების უნივეტსიტეტში (Poznan University of Physical Education - AWF).

ბათუმის შოთა რუსთაველის სახელმწიფო უნივერსიტეტის აკადემიური პერსონალის ოფიციალური ვიზიტი აქსარაის უნივერსიტეტში წარმატებით დასრულდა. ვიზიტის მიზნად ისახავდა უნივერსიტეტებს შორის სამეცნიერო-საგანმანათლებლო და პროფესიული თანამშრომლობის გაღრმავებას, გამოცდილების გაზიარებასა და სამომავლო ერთობლივი ინიციატივების დაგეგმვას.

ტურიზმის ფაკულტეტი აფუძნებს კურსდამთავრებულთა კლუბს, რომლის მიზანია დიპლომის მიღების შემდგომ კურსდამთავრებულთა შორის პროფესიული კომუნიკაციისა და ურთიერთობების შენარჩუნება, მეგობრული კავშირების გაღრმავება, გამოცდილებისა და ცოდნის გაზიარება, ასევე ერთობლივი პროფესიული და საზოგადოებრივი ინიციატივების განხორციელება.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებმა გერმანიაში, ტურიზმისა და მასპინძლობის სექტორში, სამთვიანი სასწავლო პრაქტიკა გაიარეს. პრაქტიკა განხორციელდა ბსუ-სა და გერმანიის მასპინძლობის საერთაშორისო ინსტიტუტს (Internationales Institut für Hospitality) შორის გაფორმებული მემორანდუმის საფუძველზე, აჭარის ავტონომიური რესპუბლიკის მთავრობის პროგრამული დაფინანსების ფარგლებში.

ტურიზმის ფაკულტეტის საბაკალაბრო პროგრამის მეორე კურსის სტუდენტი, ლიკა ცეცხლაძე, 2026-2027 წლის შემოდგომა-ზამთრის სემესტრში სწავლას „Erasmus+“-ის გაცვლითი პროგრამის ფარგლებში, ლატვიაში, ვიძემეს გამოყენებითი მეცნიერებების უნივერსიტეტში (ViA) გააგრძელებს. ლიკა 5 თვის განმავლობაში ისწავლის „ტურიზმის ორგანიზაცია და მართვის“ პროგრამაზე, სადაც გაიღრმავებს პროფესიულ ცოდნასა და გამოცდილებას საერთაშორისო საგანმანათლებლო გარემოში. ვულოცავთ ლიკას ამ მნიშვნელოვან შესაძლებლობას და ვუსურვებთ წარმატებებს, საინტერესო გამოცდილებასა და დაუვიწყარ სტუდენტურ თავგადასავლებს.