2026 წლის 1-6 ივნისს, „ერაზმუს+“-ის გაცვლითი პროგრამის ფარგლებში, ბსუ-ს ტურიზმის ფაკულტეტის ასისტენტ პროფესორი ნათია ბერიძე აკადემიური მობილობით იმყოფებოდა სუჩევას შტეფან ჩელ მარეს სახელობის უნივერსიტეტში (რუმინეთი). ნათია ბერიძემ ლექციები წაიკითხა და პრაქტიკული მეცადინეობები ჩაატარა I და II კურსის სტუდენტებთან მასპინძლობის მიმართულებით. ვიზიტის ფარგლებში ნათია ბერიძე დაესწრო მე-18 საერთაშორისო კონფერენციასა და საერთაშორისო კვირეულს. გაეცნო საგანმანათლებლო პროგრამებს, საუნივერსიტეტო ცხოვრებასა და მიმდინარე სასწავლო პროცესს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ-პროფესორმა თამარ ბერიძემ, მესამე მისიის ფარგლებში, ქედის მუნიციპალიტეტის სოფელ მერისის ფრიდონ თურმანიძის სახელობის საჯარო სკოლაში ჩაატარა საჯარო ლექცია თემაზე - „ტურიზმი, როგორც პროფესიული განვითარების მიმართულება, საჭირო უნარები და პერსპექტივები ახალგაზრდებისთვის“.

1–5 ივნისს ტურიზმის ფაკულტეტმა უმასპინძლა საერთაშორისო საზაფხულო სკოლას თემაზე: „კულტურისა და მასპინძლობის გამოწვევები ტურიზმში: ბათუმის კარტოგრაფირება ტურისტული მიზნებისთვის (USE-IT)”. პროექტი განხორციელდა ტურიზმის ფაკულტეტის, ფრანკოფონული დასაქმების ცენტრის (CEF Batumi), ბსუ-ს UNESCO-ს კათედრის, University of Angers-ისა და Vanadzor State University-ის თანამშრომლობით და წარმოადგენდა ინოვაციური სწავლებისა და ინტერდისციპლინური აკადემიური თანამშრომლობის წარმატებულ მაგალითს.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტები : ანელი ბოლქვაძე და ნინი მსხილაძე გერმანიაში, სასტუმრო Schlossgut Gross Schwansee-ში, სამთვიან საერთაშორისო - სასწავლო პრაქტიკას გაივლიან.

1-5 ივნისს, ბათუმის შოთა რუსთაველის სახელმწიფო უნივერსიტეტი მასპინძლობს საერთაშორისო საზაფხულო სკოლას - „კულტურისა და მასპინძლობის გამოწვევები ტურიზმში: ბათუმის კარტოგრაფირება ტურისტული მიზნებისთვის (USE-IT)”. საზაფხულო სკოლა ბსუ-ს რექტორმა ტიტე აროშიძემ და სომხეთის გენერალურმა კონსულმა, ნარინე მათოსიანმა გახსნეს.