ეროვნული თავდაცვის აკადემია გეგმავს სამხედრო-სამეცნიერო
შრომების კრებულის გამოცემას. კრებულში საკუთარი ნაშრომების გამოქვეყნების მსურველებმა სამეცნიერო თემები უნდა გამოგზავნონ მიმდინარე წლის 12 ნოემბრამდე, დანართი №1-ით გათვალისწინებული სტანდარტის შესაბამისად აკადემიის ოფიციალურ ელექტრონულ მისამართზე: milstatia@eta.edu.ge

2021 წლის 18-19 ოქტომბერს ჩატარდება მე-13 საერთაშორისო სამეცნიერო-პრაქტიკული ინტერნეტ კონფერენცია „მეცნიერების თანამედროვე მოძრაობა“. მასალები გამოქვეყნდება საერთაშორისო ელექტრონულ სამეცნიერო-პრაქტიკულ ჟურნალში «WayScience». დამატებითი ინფორმაციისათვის გადადით ბმულზე: http://www.wayscience.com/en/13th-conference-18-19-october-2021/

ბელგიის ზღვისიქითა მეცნიერების სამეფო აკადემია (l’Académie Royale des Sciences d’Outre-Mer (ARSOM)) აცხადებს აკადემიის ყოველწლიურ სამეცნიერო კონკურსს. კონკურსი ღიაა მეცნიერებისთვის მთელი მსოფლიოდან ასაკობრივი შეზღუდვის გარეშე. თითოეულ კატეგორიაში (კვლების კითხვის შესაბამისად) გამარჯვებული ნაშრომი მიიღებს 2500 ევროს. კონკურსში მონაწილეობისთვის ნაშრომი უნდა იყოს სამეცნიერო, ორიგინალური და ახალი (მაქსიმუმ 5 წლის). განსახილველად მიიღება სადოქტორო ან შესაბამისი დონის ნაშრომები. შესაძლებელია ნაშრომების წარმოდგენა ფრანგულ, ჰოლანდიურ, გერმანურ, ინგლისურ და ესპანურ ენებზე. ნაშრომი აკადემიის სამდივნოში უნდა მივიდეს შეკითხვის გამოქვეყნების წლიდან მომდევნო წლის 1 მარტამდე სამ ეგზემპლარად (ამობეჭდილი) და დამატებით, ერთი ელექტრონული ვერსია. კონკურსში მონაწილემ ნაშრომს თან უნდა დაურთოს ნაშრომის მოკლე აღწერილობა (1200 სიტყვა) და CV. გამარჯვებული ნაშრომები გამოვლინდება მაისში.

2021 წლის 9-10 სექტემბერს იმართება პირველი საერთაშორისო სამეცნიერო და იინტერნეტ კონფერენცია: „COVID-19 პანდემიის გავლენა თანამედროვე მსოფლიოს განვითარებაზე: საფრთხეები და შესაძლებლობები", რომელიც მიეძღვნება COVID-19 პანდემიასთან დაკავშირებულ განვითარების შესაძლებლობებს მეცნიერებაში.

2021 წლის 8-10 აგვისტოს უკრაინაში, ქალაქ ხარკოვში გაიმართება პირველი საერთაშორისო სამეცნიერო კონფერენცია : „აქტუალური საკითები თანამედროვე მეცნიერებაში, საზოგადოებასა და განათლებაში“ . კონფერენციის მიმართულებებია: საბუნებისმეტყველო მეცნიერებები, მედიცინა, ჰუმანიტარული მეცნიერებები, ეკონომიკა, სამართალი. აბსტრაქტის მიღების ბოლო ვადაა 2021 წლის 7 აგვისტო.