საქართველოს მათემატიკოსთა კავშირის IX საერთაშორისო კონფერენცია ტარდება ბათუმის შოთა რუსთაველის სახელმწიფო უნივერსიტეტში. ოთხდღიანი სამეცნიერო ფორუმი მიზნად ისახავს მათემატიკის უახლესი სამეცნიერო მოღწევებისა და ბოლო ერთი წლის განმავლობაში წარმოებული კვლევის შედეგების წარდგენას. 17 ქვეყნის 200-მდე მეცნიერი მოხსენებებს წარმოადგენს მათემატიკის აქტიურად განვითარებადი დარგების პრობლემატიკაზე. კონფერენცია ბათუმის შოთა რუსთაველის სახელმწიფო უნივერსიტეტის, საქართველოს მათემატიკოსთა კავშირის, ივანე ჯავახიშვილის თბილისის სახელმწიფო უნივერსიტეტისა და საქართველოს უნივერსიტეტის ორგანიზებით იმართება.

ბათუმის შოთა რუსთაველის სახელმწიფო უნივერსიტეტში შოთა რუსთაველის სამეცნიერო ფონდის ფუნდამენტური კვლევების სამეცნიერო საგრანტო პროექტის „ოპტიკურად მკვრივი, შემთხვევითი ფაზური ეკრანის ფლუორესცენციული მახასიათებლების რაოდენობრივი და გაბნეული ლაზერული გამოსხივების ინტენსივობის კორელაციური ფუნქციის სტატისტიკური მომენტების სპექტრალური ანალიზი“ სადემონსტრაციო დღე გაიმართა. სამეცნიერო პროექტის ხელმძღვანელმა, პროფესორმა ნუგზარ ღომიძემ პროექტის მონაწილეებთან ერთად, სამწლიანი კვლევის შედეგები წარმოადგინა და მის მნიშვნელობაზე ისაუბრა. პროექტის განხორციელებაში მონაწილეობდა კონსტრუქტორთა ჯგუფი (ხელმძღვანელი ზაზა დავითაძე), ექსპერიმენტატორთა ჯგუფი (ხელმძღვანელი ზურაბ შაშიკაძე), თეორეტიკოსთა ჯგუფი (ხელმძღვანელი იზოლდა ჯაბნიძე) და მოდელირების ჯგუფი (ხელმძღვანელი მირანდა ხაჯიშვილი). სადემონსტაციო დღის დასასრულს, მკვლევარები პროექტის ფარგლებში შეძენილ სამეცნიერო აპარატურასა და ლაბორატორიას გაეცნენ.

ბსუ-ს მიზნობრივი სამეცნიერო-კვლევითი პროექტის „ზოგიერთი საკითხი ატმოსფეროს დიაგნოსტიკის შესახებ სიგნალისა და გარემოს დისპერსიულ მახასიათებლებს შორის კავშირის საფუძველზე“ ფარგლებში, პროექტის მენეჯერი ახალგაზრდა მეცნიერი მირანდა ხაჯიშვილი მონაწილეობდა საერთაშორისო სამეცნიერო კონფერენციაში „სამეცნიერო კვლევის პრიორიტეტები - 2018: თეორიული და პრაქტიკული ღირებულება“, რომელიც გაიმართა პოლონეთში, ქალაქ ნოვი-სონჩში 26-29 ივნისს ლუისის ნაციონალური უნივერსიტეტში. მომხსენებელი კონფერენციაზე წარსდგა თემით: „ლაზერული სხივის სტატისტიკური მახასიათებლები შემთხვევითი ფაზური ეკრანის მოდელის საფუძველზე“ (თანამომხსენებელი ნ. ღომიძე).

საქართველოს იუსტიციის სამინისტროს „მონაცემთა გაცვლის სააგენტოს“ სამთავრობო კომპიუტერულ ინციდენტებზე სწრაფი დახმარების ჯგუფის ორგანიზებითა და საქართველოს განათლებისა და მეცნიერების სამინისტროს მხარდაჭრით, III ეროვნული კიბეროლიმპიადა - „კიბერკუბი 2018“ გაიმართა. ოლიმპიადაში მონაწილეობა მიიღეს ბათუმის შოთა რუსთაველი სახელმწიფო უნივერსიტეტის ფიზიკა მათემატიკისა და კომპიუტერულ მეცნიერებთა ფაკულტეტის სტუდენტებმა. ბსუ ოლიმპიადებზე წარმოდგენილი იყვო 5 დამოუკიდებელი გუნდის სახით.

ბათუმის შოთა რუსთაველის სახელმწიფო უნივერსიტეტის ფიზიკა-მათემატიკისა და კომპიუტერულ მეცნიერებთა ფაკულტეტის სტუდენტებისათვის საბერძნეთის თესალონიკის ალექსანრეს ტექნოლოგიური უნივერსიტეტის ასოცირებულმა პროფესორმა ვასილის ვიცასმა ღია ლექცია ჩაატარა თემაზე: „კომპიუტერული ქელიების სატრანსპორტო პროტოკოლები“. მომხსენებლმა ახალგაზრდებს არსებული სიახლეები გააცნო და აქტუალურ შეკითხვებს უპასუხა.