ბათუმის შოთა რუსთაველის სახელმწიფო უნივერსიტეტის მიზნობრივი სამეცნიერო-კვლევითი პროექტის - „თანამედროვე სოციალურ-ეკონომიკური გამოწვევები მაღალმთიან რეგიონებში, მათი დაძლევის გზები (აჭარის ა.რ. მაგალითზე)“ ფარგლებში მიღებული შედეგების განხილვისა და დაინტერესებულ მხარეთა ჩართულობის ვორქშოფი ჩატარდა. პროექტის ხელმძღვანელია ასოცირებული პროფესორი მურმან ცეცხლაძე.
ბათუმის შოთა რუსთაველის სახელმწიფო უნივერსიტეტის სტუდენტური ფუსტალის გუნდი საქართველოს უნივერსიადა 2026-ის I ლიგის ჩემპიონია. გუნდის წევრებმა ტურნირის განმავლობაში მაღალი სპორტული ოსტატობა, გუნდური ერთობა და პასუხისმგებლობა წარმოაჩინეს, რამაც მათ გამარჯვება მოუტანა.
ბათუმის შოთა რუსთაველის სახელმწიფო უნივერსიტეტის სტუდენტური პროექტების კონკურსში გამარჯვებული პროექტის - „აჭარის ჰერპეტოფაუნის კვლევა“ შემაჯამებელი ღონისძიება და მონაწილეთა დაჯილდოება გაიმართა. ღონისძიებას ბსუ-ს რექტორი ტიტე აროშიძე, რექტორის მოადგილეები და ადმინისტრაციის წარმომადგენლები ესწრებოდნენ. მათ პროექტის მონაწილეებს სერტიფიკატები გადასცეს და განხორციელებული საქმიანობის მნიშვნელობაზე ისაუბრეს.
ბათუმის შოთა რუსთაველის სახელმწიფო უნივერსიტეტი სტუდენტური თეატრების კვირეულს მასპინძლობს. კვირეული ბსუ-ს რექტორმა ტიტე აროშიძემ გახსნა, სტუდენტური თეატრის მნიშვნელობაზე ისაუბრა და მონაწილეებს წარმატებები უსურვა. კვირეული სხვადასხვა უნივერსიტეტისა და საგანმანათლებლო დაწესებულების თეატრალურ დასებს აერთიანებს და მიზნად ისახავს შემოქმედებითი თანამშრომლობის გაღრმავებას, გამოცდილების გაზიარებასა და ნიჭიერი ახალგაზრდების წარმოჩენას. კვირეულის ფარგლებში სპექტაკლები 18 ივნისის ჩათვლით ბსუ-ს სააქტო დარბაზში გაიმართება.
ბათუმის შოთა რუსთაველის სახელმწიფო უნივერსიტეტს სლოვენიის ლუბლიანას უნივერსიტეტის პროფესორი, სატყეო მეურნეობის ვიცე-დეკანი, კლემენ იერინა ეწვია. ვიზიტის ფარგლებში პროფესორი კლემენ იერინა ბსუ-ს რექტორს, ტიტე აროშიძეს შეხვდა. შეხვედრაზე მხარეებმა ლუბლიანას უნივერსიტეტთან პარტნიორული ურთიერთობების გაღრმავებისა და „Erasmus+“-ის პროგრამის ფარგლებში თანამშრომლობის პერსპექტივები განიხილეს. ასევე, დაიგეგმა ბათუმის შოთა რუსთაველის სახელმწიფო უნივერსიტეტსა და ლუბლიანას უნივერსიტეტს შორის მემორანდუმის გაფორმება, რაც მომავალში ერთობლივი საგანმანათლებლო და სამეცნიერო პროექტების განხორციელებას შეუწყობს ხელს.
