2025 წლის 17-21 ნოემბერს ERASMUS+ პროექტის „კრეატიული ინჟინერიის განვითარება მდგრადი მწვანე სამყაროსთვის“ ფარგლებში, ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის დეკანი, პროფესორი გაიოზ ფარცხალაძე და სტრატეგიული განვითარებისა და საერთაშორისო ურთიერთობის დეპარტამენტის ხელმძღვანელი მარინა გიორგაძე სამუშაო ვიზიტით იმყოფებოდნენ უზბეკეთის ტაშკენტის კიმიოს საერთაშორისო უნივერსიტეტში პროექტის პირველ საორგანიზაციო შეხვედრაზე.

ბსუ-ს პროფესიული პროგრამების მართვის და უწყვეტი განათლების ცენტრს გარემოსდაცვითი ინფორმაციისა და განათლების ცენტრის დირექტორის მოვალეობის შემსრულებელი თამთა დევდარიანი ცენტრის წარმომადგენლებთან ერთად ეწვია.შეხვედრაზე ბსუ-ს რექტორმა ტიტე აროშიძემ და გარემოსდაცვითი ინფორმაციისა და განათლების ცენტრის დირექტორის მოვალეობის შემსრულებელმა თამთა დევდარიანმა აგრარული მიმართულებით თანამშრომლობის შემდგომ განვითარებასა და დეფიციტური პროფესიების პოპულარიზაციაზე ისაუბრეს.

2025 წლის მაისიდან სექტემბრის ჩათვლით, PEERS-ის საერთაშორისო კრედიტ-მობილობის პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ტექნოლოგიურ ფაკულტეტზე სტუმრად იმყოფებოდა ალაიზა დალ’ორსოლეტა - მინიოს უნივერსიტეტის (პორტუგალია) საინჟინრო სკოლის დოქტორანტი.

ბსუ-ს ტექნოლოგიური ფაკულტეტის არქიტექტურის საგანმანათლებლო პროგრამაზე ჩარიცხვის მსურველებმა ერთიან ეროვნულ გამოცდებამდე უნდა გაიარონ შემოქმედებითი ტური ხაზვაში. აბიტურიენტმა შემოქმედებით ტურზე უნდა ააგოს სამგანზომილებიანი ხედი (იზომეტრია) მოცემული დეტალის ორი ხედის მიხედვით.

ბათუმის სახელმწიფო უნივერსიტეტში ბსუ-ში მოქმედებს ERASMUS+ საგრანტო პროექტი „ინტენსიური განვითარების პროექტში სწავლა-ინოვაცია-გაყიდვა" (101128310-LISS24-ERASMUS-EDU-2023-CBHE Learn-Innovate-Sell-Succeed), რომლის ფარგლებში 2025 წლის 5 ივნისს ტექნოლოგიურ ფაკულტეტზე ჩატარდა ინოვაციების გაყიდვების კონკურსი. ეს კონკურსი მოიცავდა, როგორც ინოვაციების გაყიდვებს, გაყიდვების პროცესს/აქტივობას, ისე მასში ჩაშენებულ ინოვაციების კონკურსს.