ბათუმის შოთა რუსთაველის სახელმწიფო უნივერსიტეტსა და მერიტო უნივერსიტეტს (WSB MERITO UNIVERSITY) შორის დადებული თანამშრომლობის მემორანდუმის ფარგლებში, აჭარის ა.რ. განათლებისა და სპორტის სამინისტროს და ბსუ-ს ფინანსური მხარდაჭერით, პოზნანის მერიტო უნივერსიტეტის ბიზნესის კვირეულში (BIP-2026) მონაწილეობა მიიღო ბსუ-ს ეკონომიკისა და ბიზნესის ფაკულტეტის ხუთმა სტუდენტმა - ნატალი შოთაძემ, სალომე ფუტკარაძემ, ნინა ცინარიძემ, ლანა ქარცივაძემ და თამარ ვარშანიძემ. ჯგუფის კოორდინატორი გახლდათ ასისტენტ პროფესორი თამილა თურმანიძე.

მესამე მისიის ფარგლებში, ეკონომიკისა და ბიზნესის ფაკულტეტის ორგანიზებით, გაიმართა სტუდენტთა და მოსწავლეთა ერთობლივი კონფერენცია თემაზე: „ქართული ბიზნესი - გამოწვევები და პერსპექტივები”. კონფერენციაში აქტიურად მონაწილეობდნენ ფაკულტეტის პირველკურსელები (ხელმძღვანელი ასოცირებული პროფესორი ლეილა ცეცხლაძე) და ბათუმის წმ. ანდრია პირველწოდებულის სახელობის სკოლის X კლასის მოსწავლეები, რომლებიც სასწავლო გეგმის ფარგლებში სწავლობენ მეწარმეობას (ხელმძღვანელი ასოცირებული პროფესორი ირინა თავაძე).

ეკონომიკისა და ბიზნესის ფაკულტეტის სტუდენტებისთვის გაიმართა საინფორმაციო შეხვედრა პროექტის „ახალგაზრდული მეწარმეობა სოფლის განვითარებისთვის“ (RDYE) ფაზა II-ის ფარგლებში, რომელსაც ახორციელებს Mercy Corps-ის საქართველოს წარმომადგენლობა, International Partnerships Austria-ის დაფინანსებით. პროექტის მხარდამჭერები არიან SCapp და SOCAR Georgia Petroleum.

აჭარის დასაქმების სააგენტო მიზნობრივი ქვეპროგრამის „საკვანძო კომპეტენციების განვითარების“ ფარგლებში შეხვდა ბათუმის შოთა რუსთაველის სახელმწიფო უნივერსიტეტის სტუდენტებს. საკვანძო კომპეტენციების განვითარება ითვალისწინებს აჭარის ავტონომიური რესპუბლიკის ადმინისტრაციული ტერიტორიის ფარგლებში სხვადასხვა სექტორში დასაქმებულთათვის და მათთვის ვისაც სურს კონკრეტული მიმართულებებით შრომის ბაზარზე დაიმკვიდრონ თავი, მულტილინგვური და პროფესიული კომპეტენციების განვითარების ხელშეწყობას.

ბათუმის შოთა რუსთაველის სახელმწიფო უნივერსიტეტის მე-3 მისიის ფარგლებში, ეკონომიკისა და ბიზნესის ფაკულტეტის ასოცირებულმა პროფესორმა ირმა ჩხაიძემ და ასისტენტ პროფესორმა ნინო მამულაძემ ბსუ-ს ბიზნესის ადმინისტრირების მე-2 კურსის სტუდენტების და ბათუმის N8 საჯარო სკოლის მე-7 და მე-9 კლასის მოსწავლეების ჩართულობით განახორციელეს პროექტი „სკოლა-უნივერსიტეტი“.