თსუ-ს ეკონომიკისა და ბიზნესის ფაკულტეტის მიკროეკონომიკის კათედრის გამგის პროფ. ეთერ ხარაიშვილის მიერ საჩუქრად ბიბლიოთეკას გადმოეცა ვალტერ ნიკოლსონის წიგნი „მიკროეკონომიკის თეორია ძირითადი პრინციპები და გავრცობა“.

ეკონომიკისა და ბიზნესის ფაკულტეტის ასოც. პროფ. დავით ქათამაძის მიერ ბიბლიოთეკას გადმოეცა საჩუქრად წიგნი: „ფასები და ფასწარმოქმნა“ . ნაშრომი რეკომენდებულია სალექციო კურსად ბათუმის შოთა რუსთაველის სახელმწიფო უნივერსიტეტის მარკეტინგის სპეციალობის II კურსის სტუდენტებისათვის.

„შესავალი გერმანიკულ ფილოლოგიაში“ წარმოადგენს სახელმძღვანელოს, რომელშიც თანმიმდევრულად არის მოცემული ინდოევროპულ ენათა ოჯახში შემავალი ენების მოკლე ისტორია - გერმანიკული ენების განვითარების ძირითადი გზები და ტენდეციები.

პროფესორ მალხაზ ჩოხარაძის მიერ ბიბლიოთეკას საჩუქრად გადმოეცა მისი ავტორობით შედგენილი წიგნი: ხანძთა და „ათორმეტ სვანეთა“ მხარის ძველი სალოცავები. ნაშრომში წარმოდგენილია ქართველებისა და ქართული ენის მდგომარეობა ჭოროხის აუზის იმ ნაწილში, რომელიც ამჟამად თურქეთის შემადგენლობაშია.