ანალიტიკური პლატფორმა კომენტარის წარმომადგენლები სოფო ვერულიძე და ნინა ჩიხლაძე ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სტუდენტებს შეხვდნენ. შეხვედრის ფარგლებში მომხსნებელებმა სტუდენტებს გააცნეს აქტუალური სამართლებრივი საკითხები, ისაუბრეს მართლმსაჯულების რეფორმებსა და საერთაშორისო გამოცდილებებზე. პრეზენტაციების შემდეგ, სტუდენტების მონაწილეობით საინტერესო დისკუსია გაიმართა.