2023 წლის 7-11 ნოემბერს ბსუ-ს ზუსტ მეცნიერებათა და განათლების ფაკულტეტის პროფესორმა, MOVEx პროექტის მენეჯერმა დავით დევაძემ და ბსუ-ს ტურიზმის ფაკულტეტის ასისტენტ პროფესორმა ნინო დევაძემ „ვირტუალური გაცვლითი პროგრამების მოდელისა და საერთო საინფორმაციო სივრცის განვითარება“ MOVEx პროგრამის I ტრენინგ სესიაში მიიღეს მონაწილეობა.
შეხვედრა გაიმართა ვროცლავის მეცნიერებისა და ტექნოლოგიების უნივერსიტეტში, ვროცლავში, პოლონეთი.
კონსორციუმის წევრებმა უკრაინიდან, პოლონეთიდან, ესტონეთიდან, საქართველოსა და საბერძნეთიდან განიხილეს შემდეგი სამუშაო საკითხები და ერთმანეთს გაუზიარეს გამოცდილება:
- სტუდენტებისთვის ვირტუალური გაცვლითი პროგრამების შექმნა;
- პროგრამებში განსხვავებების გათვალისწინება და მათი მორგება აკადემიური მიზნების მისაღწევად
- Microcredential სისტემის გამოყენება MOVEx პროექტში
- ვირტუალური მობილობისთვის საინფორმაციო სივრცის შექმნის კონცეფცია და პროექტის შემდგომი აქტივობებისთვის ამოცანების ჩამოყალიბება.
| უკან |
