10 დეკემბერს, 13:00 საათზე, ბათუმის შოთა რუსთაველის სახელმწიფო უნივერსიტეტში, მე-17 აუდიტორიაში ჩატარდება ინგლისური ენის საკვალიფიკაციო გამოცდის (ტოეფელის) მასტერკლასი. მასტერკლასს გაუძღვება ბსუ-ს ჰუმანუტარულ მეცნიერებათა ფაკულტეტის ასისტენტ-პროფესორი, ტოეფელის ტრენერი ლია დავითაძე. მასტერკლასი განკუთვნილია ბსუ-ს სტუდენტებისა და პროფესორ -მასწავლებლებისთვის.
ბათუმის შოთა რუსთაველის სახელმწიფო უნივერსიტეტს „საზღვარგარეთ მცხოვრები თურქებისა და მონათესავე თემების“ ხელმძღვანელობა ეწვევა.სტუმრები ბსუ-ს სტუდენტებს გააცნობენ თურქეთის სასტიპენდიო პროგრამებს.შეხვედრა ჩატარდება 2 დეკემბერს, 14:00 საათზე, 32-ე აუდიტორიაში.
საქართველოს ინოვაციების და ტექნოლოგიების სააგენტო „ტექნოლოგიების გადაცემის პროგრამის“ ფარგლებში აცხადებს განაცხადების მიღებას. „ტექნოლოგიების გადაცემის პროგრამის“ მიზანია ხელი შეუწყოს ისეთი სამეცნიერო პროექტების კომერციალიზაციას, რომლებიც პასუხობს ბაზრის საჭიროებებს. პროგრამის ფარგლებში შეირჩევა კომერციალიზაციის პოტენციალის მქონე ტექნოლოგიები/ინოვაციები. შეფასებისთვის მიიღება მხოლოდ ისეთი კვლევითი პროექტები, რომლებიც არიან ტექნოლოგიური მზაობის TRL4 და შემდეგ დონეზე. შეფასებისთვის მიღებული პროექტების დეტალურ შესწავლას განახორციელებენ კვალიფიციური და შესაბამისი გამოცდილების მქონე ადგილობრივი და უცხოელი ექსპერტები.
