ბსუ-ში უნგრეთის სამთავრო სტიპენდიების წარდგენა გაიმართა

სურათი

განათლების საერთაშორისო ცენტრის ორგანიზებით ბათუმის შოთა რუსთაველის სახელმწიფო უნივერსიტეტში უნგრეთის სამთავრო სტიპენდიების წარდგენა გაიმართა. სხვადასხვა ფაკულტეტის სტუდენტები შეხვედრაზე უნგრეთის უნივერსიტეტების საგანმანათლებლო პროგრამებსა და კონკურსში მონაწილეობის პირობებს გაეცნენ. სასტიპენდიო პროგრამები უნგრეთში (Stipendium Hungaricum) 2019-2020-ის აპლიკაციების მიღების პირველი ეტაპი დაიწყო. საქართველოს 80 მოქალაქე დაფინანსდება მასპინძელი ქვეყნის უმაღლესი საგანმანათლებლო დაწესებულებების სწავლების სამივე საფეხურზე:

ბაკალავრიატი - 25,

მაგისტრატურა - 25,
დოქტორანტურა - 20,
ინტეგრირებული ხუთწლიანი მაგისტრატურა - 5,
სახელოვნებო მიმართულება (ყველა აკადემიური საფეხურისთვის)- 5.

პროგრამის ძირითადი პრიორიტეტული მიმართულებები/სპეციალობებია:

საბუნებისმეტყველო მეცნიერებანი/მათემატიკა;
ბიოლოგია/ფსიქოლოგია;
აგრარული მეცნიერებანი;
ინჟინერია და ტექნოლოგიები;
სოციალური მეცნიერებანი;
ჯანდაცვა;
სპორტის მეცნიერებანი;
ხელოვნება.

ელექტრონული განაცხადის წარმოდგენა წარმოებს განათლების საერთაშორისო ცენტრის ვებგვერდზე: http://iec.gov.ge/4312

ელექტრონული განაცხადი სრულყოფილად უნდა იყოს წარმოდგენილი როგორც ტემპუსის საზოგადოებრივი ფონდის ვებგვერდზე, ასევე და განათლების საერთაშორისო ცენტრის ვებგვერდზე.

კონკურსში გამარჯვების შემთხვევაში, სტიპენდიანტები 2019-2020 აკადემიურ წელს უფასოდ ისწავლიან უნგრეთის უმაღლეს საგანმანათლებლო დაწესებულებებში (უნივერსიტეტებსა და უმაღლეს სკოლებში).

დაფინანსება მოიცავს ყოველთვიურ სტიპენდიას, საცხოვრებელი ფართის ქირის ანაზღაურებასა და სამედიცინო დაზღვევას სწავლის სრული კურსის დამთავრებამდე.

დეტალური ინფორმაციისათვის იხილეთ ბმული: http://studyinhungary.hu/study-in-hungary/menu/stipendium-hungaricum-scholarship-programme


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა