ბათუმის შოთა რუსთაველის სახელმწიფო უნივერსიტეტი 2019-2020 სასწავლო წლისათვის აცხადებს მიღებას მაგისტრატურის საგანმანათლებლო პროგრამებზე. მაგისტრანტობის კანდიდატთა რეგისტრაცია იწარმოებს მაგისტრატურის მიმღებ კომისიაში, 2019 წლის 2 სექტემბრიდან 6 სექტემბრის ჩათვლით, ყოველდღე, 10:00 საათიდან 17:00 საათამდე, შემდეგ მისამართზე: ქ. ბათუმი, ნინოშვილის ქუჩა №35, I კორპუსი, ოთახი №19.
1. მაგისტრანტობის კანდიდატმა რეგისტრაციისათვის უნდა წარმოადგინოს:
ა) განცხადება;
ბ) პირადობის მოწმობის (პასპორტის) ასლი;
გ) ერთიან სამაგისტრო გამოცდებში მონაწილეობის მიმღები კონკურსანტის საგამოცდო-საიდენტიფიკაციო ბარათი;
დ) ბაკალავრის (ან მასთან გათანაბრებული) აკადემიური ხარისხის დამადასტურებელი დიპლომის (თანდართული დანართით) ნოტარიულად დამოწმებული ასლი (ბსუ-ს კურსდამთავრებულთათვის - უნივერსიტეტის მიერ დამოწმებული, ხოლო 2019 წელს კურსდამთავრებულთათვის -ცნობა აკადემიური ხარისხის მინიჭების თაობაზე);
ე) ორი ფოტოსურათი, ზომით 3X4–ზე, ელექტრონული ვერსია CD დისკზე;
ვ) წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);
ზ) უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში);
თ) სხვა დოკუმენტი, თუ ასეთს ითვალისწინებს შესაბამისი სამაგისტრო პროგრამა.
2. მაგისტრატურაში მისაღები გამოცდები ჩატარდება ბსუ-ს საგამოცდო ცენტრში (მისამართი: ბათუმი, ფიროსმანის ქ. 12, ტექნოლოგიური ფაკულტეტის შენობაში) შემდეგი განრიგით:
2.1. მისაღები გამოცდა უცხო ენაში - 2019 წლის 10 სექტემბერი (დაწყების დრო: I ცვლა - 10:00 საათი, II ცვლა - 14:00 საათი; III ცვლა- 17:00 საათი);
2.2. გამოცდის შედეგების გამოცხადება - 2019 წლის 11 სექტემბერი;
2.3. საპრეტენზიო განცხადებების მიღება - 2019 წლის 12 სექტემბერს, ბსუ-ს კანცელარიაში.
2.4. საპრეტენზიო განცხადებებზე პასუხის გაცემა - 2019 წლის 13 სექტემბერი;
2.5. მისაღები გამოცდა სპეციალობაში - 2019 წლის 16 სექტემბერი (გამოცდის დაწყების დრო: I ცვლა - 10:00 საათი, II ცვლა - 14:00 საათი; III ცვლა - 17:00 საათი);
2.6. გამოცდის შედეგების გამოცხადება - 2019 წლის 17 სექტემბერი;
2.7. საპრეტენზიო განცხადებების მიღება - 2019 წლის 18 სექტემბერი, ბსუ-ს კანცელარიაში;
2.8. საპრეტენზიო განცხადებებზე პასუხის გაცემა - 2019 წლის 19 სექტემბერს.
3. გამოცდების საბოლოო შედეგები გამოქვეყნდება 2019 წლის 20 სექტემბერს, ბსუ-ს ვებგვერდსა და კანცელარიასთან არსებულ საინფორმაციო დაფაზე.
4. მაგისტრანტობის კანდიდატებთან ხელშეკრულების გაფორმება - 2019 წლის 20, 23 სექტემბერი.
დამატებითი ინფორმაციისათვის დარეკეთ ნომერზე: 577 14 10 70 - ირმა ქერქაძე
![](https://bsu.edu.ge/images/pdf.png)
![](https://bsu.edu.ge/images/xls.png)
უკან |