ბსუ-ს პროფესიულ საგანმანათლებლო პროგრამებზე ჩარიცხვის უფლება მოპოვებულმა აპლიკანტებმა (დანართი 1) 2019 წლის 18 ნოემბრიდან 20 ნოემბრის ჩათვლით, ხელშეკრულების გაფორმებისა და პირადი საქმის გახსნის მიზნით ბსუ-ს პროფესიული პროგრამების მართვისა და უწყვეტი განათლების ცენტრში (ქალაქი ბათუმი, ნინოშვილის/რუსთაველის N35/32, მე-3 კორპუსში (ყოფილი საერთო საცხოვრებლის შენობა, მეოთხე სართულზე, ოთახი N402) უნდა წარმოადგინონ შემდეგი დოკუმენტაცია:
ა) განცხადება
(თუ აპლიკანტი ქმედუუნაროა/შეზღუდულ ქმედუნარიანია, განცხადება უნდა წარმოადგინოს მშობელმა/კანონიერმა წარმომადგენელმა);
ბ) პირადობის დამადასტურებელი მოწმობის ასლი
(ქმედუუნარო/შეზღუდულ ქმედუნარიანი პირის შემთხვევაში ასევე მშობლის/კანონიერი წარმომადგენლის პირადობის მოწმობა და უფლებამოსილების დამადასტურებელი დოკუმენტი - პროგრამაზე ჩარიცხვის უფლებამოპოვებული პირის დაბადების მოწმობა ან მეურვეობის დამადასტურებელი დოკუმენტი, რომელიც ადასტურებს განცხადების წარმოდგენაზე და ხელშეკრულების გაფორმებაზე უფლებამოსილებას);
გ) სრული ზოგადი განათლების მიღების დამადასტურებელი დოკუმენტის ასლი (ნოტარიულად დამოწმებული) - (არქიტექტორ-ტექნიკოსის, ბიბლიოთეკარის პროფესიული საგანმანათლებლო პროგრამებისათვის), ხოლო საბაზო განათლების მიღების დამადასტურებელი დოკუმენტის ასლი (ნოტარიულად დამოწმებული) - (მეფუტკრეს, ვებ-ინტერფეისის დიზაინერის; ვებ-ინტერფეისის დეველოპერის პროფესიული საგანმანათლებლო პროგრამებისათვის); პირმა, რომელმაც განათლება მიიღო უცხოეთში, უნდა წარმოადგინოს სსიპ - განათლების ხარისხის განვითარების ეროვნულ ცენტრის მიერ გაცემული დოკუმენტი - უცხოეთში გაცემული საგანმანათლებლო დოკუმენტის აღიარების შესახებ.
დ) ორი ფოტოსურათი 3X4-ზე;
ე) სამხედრო აღრიცხვაზე ყოფნის დამადასტურებელი დოკუმენტის ასლი (სამხედრო აღრიცხვას დაქვემდებარებული პირებისათვის).
| უკან |
